დეკანოზ გიორგი მამალაძის ადვოკატებს იმედი აქვთ, რომ მომავალ სასამართლო პროცესზე დაბრუნდებიან.

როგორც ადვოკატმა გიორგი ფანცულაიამ ჟურნალისტებს განუცხადა, ბრალდებულის მოთხოვნა იყო, რომ მათაც დაეტოვებინათ სასამართლო პროცესი და ისინი დასაცავის ინტერესების საწინააღმდეგოდ ვერ წავიდოდნენ.

„მამა გიორგი მამალაძემ დატოვა პროტესტის ნიშნად სასამართლო დარბაზი. იქვე მოგვიწოდა ჩვენ, მის ადვოკატებს, დაგვეტოვებინა დარბაზი. სისხლის სამართლის პროცესიდან გამომდინარე, ადვოკატებს აქვთ  უფლება,  დასაცავის ინტერესების საწინააღმდეგოდ წავიდნენ, მაგრამ მე რომ წავიდე მის წინააღმდეგ, იმოქმედებს ეთიკის კომისია, რომელიც მეტყვის, თუ რატომ წავედი ჩემი დასაცავის წინააღმდეგ. შესაბამისად, დავტოვე სასამართლოს სხდომა. მიმაჩნია, რომ ეს არის ერთჯერადი. იმედი მაქვს, დავბრუნდებით მომავალ სასამართლო პროცესზე“,-განაცხადა ადვოკატმა.

ფანცულაიასთვის უცნობია, დაბრუნდება თუ არა მომავალ სხდომაზე თავად ბრალდებული მამა გიორგი მამალაძე, თუმცა  იმედოვნებს, რომ ის მიიღებს სხდომაში მონაწილეობას.

„ეს იყო გიორგი მამალაძის მხრიდან პროტესტი. ჩვენ არ გვქონდა უფლება, დავრჩენილიყავით. სასამართლოს სხდომა იმიტომ დაიხურა, რომ გიორგი მამალაძე ვერ გატეხეს პირადი ცხოვრების მუქარით, ვერც ბრალის დამძიმებით და დახურულ სხდომაზე იმედი აქვთ, სასურველ განაჩენს გამოიტანენ“,-აღნიშნა ფანცულაიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სასამართლომ საქართველოს ყოფილი გენერალური პროკურორი, ოთარ რომანოვ-ფარცხალაძე დაუსწრებლად დაპატიმრება ძალაში დატოვა.

ფილფანი- გამოძიება უნდა დაიწყოს ირაკლი კობახიძის და ყველა იმ მაღალჩინოსანი პირის მიმართაც, რომელიც საქართველოს ადანაშაულებს

Volvo 365 – ერთი წელი ავტომობილის ფლობასთან დაკავშირებული ძირითადი ხარჯების გარეშე

სეპარატისტული რეჟიმი: თურქეთში აფხაზური პასპორტების აღიარების საკითხზე დისკუსია მიმდინარეობს