ე.წ. ციანიდის საქმეზე არსებითი განხილვის პირველი სხდომა დღეს გაიმართება.

 პროცესი თბილისის საქალაქო სასამართლოში 12:00 საათზეა ჩანიშნული.

წინასასამართლო სხდომა 5 მაისს დასრულდა. მოსამართლე ბადრი შონიას გადაწყვეტილებით,  სახელმწიფო ბრალდებამ წარმოადგინა  საკმარისი არგუმენტირებული მტკიცებულება, რომლითაც დასტურდება, რომ მოცემულ საქმეზე მამა გიორგი მამალაძის მიმართ დაწყებული  სისხლის სამართლებრივი დევნის შეწყვეტის საფუძველი არ არსებობს, რაც იმას ნიშნავს, რომ საქმე არსებითი განხილვის ეტაპზე გადავიდა.

წინასასამართლო სხდომაზე, საერთო ჯამში, მოსამართლემ დაცვის მხარის 12 შუამდგომლობიდან არც ერთი დააკმაყოფილა.  მათ შორის ერთი შუამდგომლობა სწორედ საქმის შეწყვეტას ეხებოდა. პროკურატურის ყველა ძირითადი მტკიცებულება კი დასაშვებად სცნო.

შეგახსენებთ, გამოძიების ინფორმაციით, ბრალდებული მამა გიორგი მამალაძე პატრიარქის მდივან-რეფერენტის შორენა თეთრუაშვილის განზრახ მკვლელობას ამზადებდა ანგარებით, თანამდებობრივი მდგომარეობის და მატერიალური სარგებლის შენარჩუნების მოტივით.

მათივე ცნობით, მიღებული ქიმიური, ტოქსიკოლოგიური და სამედიცინო ექსპერტიზის დასკვნებით დადგინდა, რომ ბრალდებულის ბარგიდან ამოღებული ნივთიერება წარმოადგენს სწრაფი მოქმედების ძლიერ შხამს - ნატრიუმის ციანიდს, რომლის ოდენობა საკმარისი იყო რამდენიმე ადამიანის სიცოცხლის მოსასპობად.

აქედან გამომდინარე, საქმე სასამართლოში წარიმართა სსკ-ის 18, 109-ე მუხლის მე-3 ნაწილის „გ“ ქვეპუნქტით (განზრახ მკვლელობის მომზადება ანგარებით), რაც  სასჯელის სახედ და ზომად 16-დან 20 წლამდე  თავისუფლების აღკვეთას ითვალისწინებს.

გარდა აღნიშნულისა, გიორგი მამალაძეს ბრალი წარდგენილი აქვს ცეცხლსასროლი იარაღის მართლსაწინააღმდეგო შეძენა-შენახვისთვის, საქართველოს სსკ-ის  236-ე მუხლის მე-2 ნაწილით.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა