„ერთიანი ნაციონალური მოძრაობის“ ლიდერის, ნიკა მელიას განცხადებით, NDI -ს კვლევა ცხადყოფს, რომ საზოგადოებას პოლიტიკური პარტიების მიმართ რწმენა დაკარგული აქვს.

თუმცა, როგორც მელიამ აღნიშნა, განახლებულ ენმ-ს აქვს ყველანაირი პოტენციალი ხალხში გავიდეს და მათ ეს რწმენა დაუბრუნოს.

„NDI -ს კვლევამ, როგორც მოსალოდნელი იყო აჩვენა, რომ მოსახლეობის დიდი ნაწილი არსებული ყოფით უკმაყოფილოა. ტოტალური უმუშევრობაა, რაც კიდევ უფრო ამძიმებს ვითარებას, საზოგადოებას უკეთესი ხვალინდელი დღის რწმენა აქვს დაკარგული. მათ შორის რწმენა პოლიტიკური პარტიების მიმართაც.   ეს ჩვენთვისაც , როგორც მთავარი ოპოზიციური პარტიისთვის, ახალი ნაციონალური მოძრაობისთვის, უდიდესი გამოწვევაა. თუმცა,  ენმ  რეფორმების პროცესშია და მიმაჩნია, რომ რამდენადაც ახლოს ვიქნებით საზოგადოებასთან, იმდენად აისახება ეს პარტიის განვითარებაზე“, - განაცხადა ნიკა მელიამ.

NDI-ს კვლევის თანახმად,  გამოკითხულთა უმრავლესობის აზრით, მათ შეხედულებებთან ახლოს არც ერთი პარტია არ დგას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირაკლი ფავლენიშვილი – ერთადერთი, ვინც გარე ძალებისგან დირექტივებს იღებს, ივანიშვილის რეჟიმია

მაჭავარიანი – 2028 წლამდე გარე ძალები კიდევ შემოგვთავაზებენ ოპოზიციის გადალაგების ახალ სქემებს, თუმცა, ნუ დაავიწყდებათ, წინ აქვთ სასამართლო პროცესი

საქართველოს ბანკის მხარდაჭერით თბილისში პირველი ჰიპ-ჰოპ ფესტივალი გაიმართება

არასრულწლოვანი შვილიშვილი აიძულა, ცოლად გაჰყოლოდა თანასოფლელს - მარნეულში ქალი დააკავეს