ბერლინში გამართული ე.წ. „ნორმანდიული ოთხეულის“ ქვეყნების საგარეო საქმეთა მინისტრების შეხვედრაზე, უკრაინის აღმოსავლეთ ნაწილში კონფლიქტის შეწყვეტასთან დაკავშირებით, მინსკის შეთანხმების შესრულებაზე შეთანხმდნენ.

უკრაინის, რუსეთის, გერმანიის და საფრანგეთის წარმომადგენლებმა ასევე გამოთქვეს მზაობა დონბასიდან სამხედრო ტექნიკის გაყვანასთან დაკავშირებით.

ბერლინში მიღებული გადაწყვეტილების საფუძველზე ფართოვდება მინსკის შეთანხმების ფარგლებში მიღწეული შეთანხმება და მხარეები კონფლიქტის ზონიდან 100 მილიმეტრამდე კალიბრის იარაღის გატანის, ასევე ჯავშანტექნიკის გაყვანის ვალდებულებას იღებენ.

შეხვედრის ფარგლებში ასევე შეთანხმდნენ ოთხი სამუშაო ჯგუფის შექმნის შესახებ.

გერმანიის საგარეო საქმეთა მინისტრის, ფრანკ-ვალტერ შტაინმაიერის განცხადებით, მოლაპარაკებები მძიმე იყო, უკრაინისა და რუსეთის პოზიციებს შორის არსებული განსხვავების გამო.

მინსკის შეთანხმების მიუხედავად, უკრაინაში საბრძოლო მოქმედებები მაინც გრძელდება. გაეროს მონაცემებით, უკრაინაში მიდინარე კონფლიქტის მანძილზე ერთი წლის განმავლობაში ექვსი ათასი ადამიანი დაიღუპა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის ფინანსთა მინისტრი: თურქეთმა, ომანმა და არაბთა გაერთიანებულმა საემიროებმა ირანული ავიახაზებისა და ბანკების ფუნქციონირება შეზღუდეს

ყაზახეთის პრეზიდენტმა თავდაცვის მინისტრი თანამდებობიდან გაათავისუფლა მას შემდეგ, რაც სამხედრო წვრთნების დროს 14 ჯარისკაცი დაიღუპა

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!