გორში, კონსტიტუციის პროექტის საყოველთაო-სახალხო განხილვაზე „საერთაშორისო გამჭვირვალობა-საქართველოს“ აღმასრულებელმა დირექტორმა ეკა გიგაურმა განაცხადა, რომ   სასამართლოს დამოუკიდებლობასთან დაკავშირებით, კონსტიტუციაში გარკვეული ცვლილებებია შესული, თუმცა კონსტიტუციის დონეზე მოსამართლის დანიშვნის წესის გამჭვირვალობის  ვალდებულება გაწერილი არ არის. 

გიგაური ასევე დღეს რამდენიმე მოსამართლის დანიშვნას გამოეხმაურა:

„ერთის მხრივ, ჩვენ ვსაუბრობთ იმაზე, რომ გარკვეული ცვლილებები სასამართლოს დამოუკიდებლობასთან დაკავშირებით არის შესული, კი ბატონო,  მაგრამ მეორეს მხრივ, ჩვენ ვართ იმ მოცემულობის წინაშე, როცა მაგალითად, როგორც იცით, უახლოეს პერიოდში, ბატონი ლევან მურუსიძე დაინიშნება უვადოდ მოსამართლედ. ახლახანს, რამოდენიმე საათის წინ კი, ისეთი მოსამართლეები დაინიშნენ სასამართლოში, რომ როდესაც სასამართლო პროცესი მიმდინარეობდა, ნაწამები ხალხი ედგათ წინ და არ ეკითხებოდნენ, ვინმემ ხომ არ გაწამაო. ესაა ძალიან ცუდი. იქნებ, კონსტიტუციაში ჩავწეროთ, რომ მოსამართლის დანიშვნის წესი იყოს გამჭვირვალე, რომ სასამართლოში დაგვისაბუთონ ამ ადამიანებს რატომ ნიშნავენ, რატომ სჯობია მაგალითად მურუსიძე, ვინმე გარედან მოსულ პირს. ამის ვალდებულება დღეს კონსტიტუციაში არ არის. ვფიქრობთ, ძალიან მნიშვნელოვანია, ეს ჩანაწერი გაჩნდეს კონსტიტუციაში“,-აღნიშნა ეკა გიგაურმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სამხრეთ კორეამ უკრაინა დაადანაშაულა ორი ჩრდილოეთ კორეელი სამხედრო ტყვეების საიდუმლოდ გადაცემის გამჟღავნებაში და ბოდიშის მოხდა მოითხოვა

ავტოსაგზაო შემთხვევას მოტომრბოლელი, საქართველოს ორგზის ჩემპიონი დავით რობანიშვილი ემსხვერპლა

ალექსანდრ ვუჩიჩმა სერბეთის პრეზიდენტის პოსტი დატოვა

რუსეთის საჰაერო დარტყმების შედეგად ხარკოვში 22 ადამიანი დაშავდა, ხოლო კიევში - ოთხი