მაიკ პენსიმ საქართველოს პრემიერს 872 ქართველისთვის, რომელიც ავღანეთში იბრძვის,მადლობა გადაუხადა

2017-05-09 11:04:29, 1971 ნახვა

პოლიტიკა

ამერიკის შეერთებული შტატების ვიცე-პრეზიდენტმა მაიკ პენსიმ, საქართელოს პრემიერ-მინისტრ გიორგი კვირიკაშვილმს 872 ქართველისთვის, რომელიც ნატო-სთან ერთად ავღანეთში იბრძვის მადლობა გადაუხადა.

ამის შესახებ ვიცე-პრეზიდენტი Twitter-ის საკუთარ გვერდზე წერს.

ამასთან, პენსის თქმით, დონალდ ტრამპი, მათ შეხვედრას შეუერთდა, რათა საქართველოს პრემიერ-მინისტრს მისალმებოდა და საქართველოსთვის აშშ-ის მხარდაჭერა კიდევ ერთხელ გამოეცხადა.

შეგახსენებთ, რომ გიორგი კვირიკაშვილი ოფიციალური ვიზიტით ამერიკის შეერთებულ შტატებში იმყოფება. პრემიერ-მინისტრი ვიზიტის ფარგლებში, აშშ-ის სახელმწიფო მდივანდ რექს ტილერსონს და ვიცე-პრეზიდენტ მაიკ პენსის ხვდება.

ცნობისთვის, აშშ-ის პრეზიდენტ დონალდ ტრამპთან შეხვედრა დაგეგმილი არ იყო.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან