„მოძრაობა თავისუფლებისთვის - ევროპული საქართველო“ მოსკოვის ყოფილი მერის, იური ლუჟკოვის საქართველოში შემოსვლასთან დაკავშირებით შინაგან საქმეთა სამინისტროსგან განმარტებას ითხოვს.

როგორც პარტიის წევრმა გიორგი კანდელაკმა განაცხადა, ლუჟკოვის საქართველოს ტერიტორიაზე შემოშვების ფაქტი დანაშაულია.

„ბატონი ლუჟკოვი წლების განმავლობაში ჯერ კიდევ შევარდნაძის დროიდან მოყოლებული იყო ერთ-ერთი აქტიური მედროშე აფხაზეთის ეგრეთწოდებული დამოუკიდებლობისა, ერთ-ერთი აქტიური მედროშე იმისა რომ იქ არასდროს დაბრუნდნენ ჩვენი დევნილები და არ აღიდგინონ საკუთარი საკუთრების უფლებები. იგი არ სცემს პატივს საქართველოს დამოუკიდებლობასა და ტერიტორიულ მთლიანობას. მას კერძო საკუთრებაც გააჩნია აფხაზეთში. იგი არაერთხელ არის ნამყოფი ოკუპირებულ ტერიტორიაზე და თავისთავად მისი საქართველოს არაოკუპირებულ ტერიტორიაზე შემოშვების ფაქტი არის დანაშაული, იმიტომ რომ არის დარღვევა ჩვენი კანონისა ოკუპირებული ტერიტორიების შესახებ და მოუწოდებთ შინაგან საქმეთა მინისტრს რომ გააკეთოს განმარტება იმასთან დაკავშირებით ვინ მიიღო ამ ჩვენი ოკუპირებული ტერიტორიის შესახებ კანონის დარღვევის გადაწყვეტილება და ვინც მიიღო ეს გადაწყვეტილება უნდა დატოვოს თანამდებობა და აგოს პასუხი“, - განაცხადა გიორგი კანდელაკმა.

შეგახსენებთ, მოსკოვის ყოფილი მერი იური ლუჟკოვი, რომელმაც ოკუპაციის შესახებ კანონი არაერთხელ დაარღვია, საქართველოში იმყოფება. აღნიშნულთან დაკავშირებით დღეს განცხადება შს მინისტრის მოადგილე შალვა ხუციშვილმა გააკეთა. მან აღნიშნა, რომ მოსკოვის ექს-მერი საქართველოში ლეგალური საბუთებით შემოვიდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლაშა ფარულავა - ოცნების რეჟიმმა საქართველო რუსული და ირანული სისხლიანი ფულის კრიპტო-სამრეცხაოდ აქცია

შს სამინისტრო 2014 წელს, დუშეთის მუნიციპალიტეტში გაუჩინარებული არასრულწლოვანის, გურამ დადიანიძის საქმის გამოძიების შესახებ, ასევე გავრცელებულ ვიდეოსთან დაკავშირებით ინფორმაციას ავრცელებს

„პეტრიოტის“ მწარმოებლები შიშობენ, რომ უკრაინა გააუმჯობესებს და შეამცირებს რაკეტების ღირებულებას - მედია

გივი მიქანაძე – სასკოლო ფორმის ტარება ემსახურება თანასწორობას