2017-05-07 10:09:58, 2131 ნახვა
მსოფლიო
საფრანგეთში საპრეზიდენტო არჩევნების მეორე ტური მიმდინარეობს
საფრანგეთში საპრეზიდენტო არჩევნების მეორე ტური მიმდინარეობს.
მეორე ტურში ერთმანეთს პოლიტიკური მოძრაობა „წინ“-ის ლიდერი ემანუელ მაკრონი და „ეროვნული ფრონტის“ ლიდერი მარინ ლე პენი უპირისპირდებიან.
ფრანგი ამომრჩევლების უსაფრთხოებას 50 000 პოლიციელი იცავს.
შეგახსენებთ, რომ პირველ ტურში, En Marche!-ს ლიდერმა, ცენტრისტმა ემანუელ მაკრონმა ხმების 23,75 % მიიღო, ხოლო "ნაციონალური ფრონტის" ლიდერმა, ულტრამემარჯვენე მარინ ლე პენმა - 21,53 %.
ფრანგული ტელეკომპანია BFMTV-ს გამოკითხვის მიხედვით, საფრანგეთის საპრეზიდენტო არჩევნების მეორე ტურის წინ გამართულ ტელედებატებში ემანუელ მაკრონმა 63%-ით გაიმარჯვა. მარინ ლე პენმა კი რესპონდენტთა ხმების 34% მიიღო.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
