ოზურგეთში, საბილიარდოში მომხდარი ჩხუბის შედეგად პოლიციის 2 თანამშრომელი დაშავდა

2017-05-05 11:09:59, 2260 ნახვა

სამართალი

ოზურგეთში ჭავჭავაძის ქუჩაზე მდებარე საბილიარდოში მომხდარ ინცინდენტთან დაკავშირებით 3 პირი დაკავებული.

შემთხვევა გვიან ღამით მოხდა. ინციდენტის შედეგად პოლიციის 2 თანამშრომელი დაშავდა, რომლებიც საავადმყოფოში გადაიყვანეს.

დაკავებულების ახლობლები აცხადებენ, რომ პოლიციელები მათ შეურაცხყოფას აყენებდნენ, თუმცა შსს-ში ბრალდებას უარყოფენ და აცხადებენ, რომ 2 სამართალდამცველი შენობაში მას შემდეგ შევიდა, რაც ხმაური და დაპირისპირების ხმა გაიგონეს. პოლიციამ ახალგაზრდებს წესრიგის დაცვისკენ მოუწოდა, რასაც ინციდენტი მოყვა.

შსს-ს ინფორმაციით, გამოძიება „სისხლის სამართლის კოდექსის“ 253-ე მუხლით დაიწყო, რაც საზოგადოებრივი წესრიგის დამცველის მიმართ წინააღმდეგობას, მუქარას ან ძალადობას გულისხმობს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან