"ნებისმიერი შეთანხმება, მემორანდუმი იტალიის კანონმდებლობის შესაბამისად არის ბათილი, თუ ის არ არის შესაბამისი ცენტრალური ხელისუფლების პოლიტიკასთან",- ამის შესახებ საგარეო საქმეთა მინისტრმა  მიხეილ ჯანელიძემ გავრცელებული ინფორმაციის კომენტირებისას განაცხადა, რომლის თანახმადაც,  სოხუმმა იტალიის ერთ-ერთ ქალაქთან სამომავლო გეგმების შესახებ პროტოკოლს მოაწერა ხელი.

 მისი განმარტებით, ვერც ერთი ნაბიჯი ვერ გადაიდგმება, რომელიც საქართველოსა და იტალიას შორის ურთიერთობას ხელს შეუშლის.

"იტალიის საგარეო საქმეთა სამინისტროსთან გვაქვს კომუნიკაცია. იტალიის ოფიციალური პოზიცია ჩვენთვის კარგად ცნობილია. შესაბამისად, ეს პოზიცია ურყევია. ნებისმიერი აქტივობა, რომელიც შესაძლოა გარკვეული არაფორმალური არხებით განხორციელდეს, ბათილია და არალეგიტიმური. ამ კონკრეტულ შემთხვევაზე ვართ აქტიურ კონტაქტზე აქ, იტალიის საელჩოსთან და ასევე ჩვენი საელჩო იტალიაში. ვერც ერთი ნაბიჯი ვერ იქნება გადადგმული, რომელიც საქართველოსა იტალიის ურთიერთობებს ხელს შეუშლის",- განაცხადა ჯანელიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლაშა ფარულავა - ოცნების რეჟიმმა საქართველო რუსული და ირანული სისხლიანი ფულის კრიპტო-სამრეცხაოდ აქცია

შს სამინისტრო 2014 წელს, დუშეთის მუნიციპალიტეტში გაუჩინარებული არასრულწლოვანის, გურამ დადიანიძის საქმის გამოძიების შესახებ, ასევე გავრცელებულ ვიდეოსთან დაკავშირებით ინფორმაციას ავრცელებს

„პეტრიოტის“ მწარმოებლები შიშობენ, რომ უკრაინა გააუმჯობესებს და შეამცირებს რაკეტების ღირებულებას - მედია

გივი მიქანაძე – სასკოლო ფორმის ტარება ემსახურება თანასწორობას