Europol-ის დირექტორი: ISIS საკუთარ სოციალურ ქსელს ქმნის

2017-05-04 01:18:54, 2583 ნახვა

მსოფლიო

„ისლამური სახელმწიფო“ საკუთარ სოციალურ ქსელს ქმნის, - ამის შესახებ Reuters ევროპოლის დირექტორზე რობ უეინრაითზე დაყრდნობით იუწყება.

როგორც უეინრაიტმა აღნიშნა, ახალი მედია-პლატფორმა გასულ კვირას ინტერნეტში ექსტრემიზის წინააღმდეგ ევროპილის სპეცოპერაციის შედეგად გამოვლინდა.

„აღმოვაჩინეთ, რომ ISIS საკუთარ სოციალურ ქსელს ქმნის, რომლის მეშვეობითაც რადიკალი ისლამისტები გეგმავენ საკუთარი იდეების წინ წამოწევას. ეს მოწმობს, რომ დაჯგუფების წევრები ვირტუალურ ქსელში ინოვაციების გამოყენებას განაგრძობენ “, - განაცხადა უეინრაითმა.

მედია საშუალების ცნობით, 25-26 აპრილს ჩატარებული ოპერაციის შედეგად, ევროპოლის სპეციალისტებმა კოლეგებთან ერთად ბელგიიდან, საბერძნეთიდან, პოლონეთიდან, პორტუგალიიდან და აშშ-დან 6 ენაზე 52 ონლაინ-პლატფორმაზე 2 ათასზე მეტი ექსტრემისტული შინაარსის მასალები გამოავლინეს და გაანადგურეს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან