პარლამენტის თავმჯდომარემ ირაკლი კობახიძემ „ევროპული საქართველოს“ წევრი სერგო რატიანი სიცრუეში დაადანაშაულა.

კერძოდ, პარლამენტის პლენარულ სხდომაზე სერგო რატიანმა  აღნიშნა, რომ მმართველ გუნდს სურს, ფაშისტური, მუსოლინის საარჩევნო სისტემა ამოქმედდეს.  კობახიძემ კი უპასუხა, რომ მუსოლინის სისტემა  ქვეყანას  „ნაციონალური მოძრაობის“ ხელისუფლებამ  დაუტოვა და ახლა  მისი დემოკრატიული საარჩევნო სისტემით შეცვლა ხდება:

„როგორც წესი, მე არ ვაკეთებ ხოლმე განცხადებებზე კომენტარს, მაგრამ, სამწუხაროდ, ისეთი ტყუილი თქვა,  რომ არ შემიძლია ძალიან მოკლე კომენტარი არ გავაკეთო. რაც შეეხება მუსოლინის სისტემას, მუსოლინიმ იტალიას შესთავაზა სისტემა, რომლის მიხედვითაც, პარტია, რომელიც იღებდა 25%-ს  ავტომატურად იღებდა 2/3-ს.მუსოლინის სისტემა თქვენ დაგვიტოვეთ და ჩვენ მუსოლინის სისტემას ვცვლით დემოკრატიული საარჩევნო სისტემით, ბატონო სერგო.  ჩვენი ხელით ვჭრით იმ სისტემას, რომელიც დაგვიტოვა მუსოლინის ხელისუფლებამ საქართველოში“,-მიმართა პარლამენტის თავმჯდომარემ სერგო რატიანს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლაშა ფარულავა - ოცნების რეჟიმმა საქართველო რუსული და ირანული სისხლიანი ფულის კრიპტო-სამრეცხაოდ აქცია

შს სამინისტრო 2014 წელს, დუშეთის მუნიციპალიტეტში გაუჩინარებული არასრულწლოვანის, გურამ დადიანიძის საქმის გამოძიების შესახებ, ასევე გავრცელებულ ვიდეოსთან დაკავშირებით ინფორმაციას ავრცელებს

„პეტრიოტის“ მწარმოებლები შიშობენ, რომ უკრაინა გააუმჯობესებს და შეამცირებს რაკეტების ღირებულებას - მედია

გივი მიქანაძე – სასკოლო ფორმის ტარება ემსახურება თანასწორობას