ავღანეთის დედაქალაქ ქაბულში თვითმკვლელმა ტერორისტმა ნატო-ს სამხედრო კოლონისთან თავი აიფეთქა, - ამის შესახებ BBC იუწყება.

მედია საშუალების ინფორმაციით, აფეთქების შედეგად სულ მცირე 8 ადამიანი დაიღუპა, ხოლო 25 ადამიანი დაშავდა, აქედან 3 ამერიკელი სამხედრო მძიმედ დაშავდა.

როგორც ნატო-ს მისიის კაპიტანმა ბილ სალვინმა აღნიშნა, კოლონის ნაწილმა თავდასხმის შემდეგ ბაზაზე დაბრუნება შეძლო.

France Press-ის ცნობით, აფეთქება ქაბულში მდებარე ამერიკის შეერთებული შტატების საელჩოსთან, პიკი საათის დროს მოხდა.

აფეთქებაზე პასუხისმგებლობა ჯერჯერობით არც ერთ ტერორისტულ დაჯგუფებას არ აუღია.

ცნობისთვის, აპრილის ბოლოს თალიბებმა მაზარი-შარიფის სამხედრო ბაზას თავს დაესხნენ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პირველმა არხმა ფეხბურთში 2026 წლის მსოფლიო ჩემპიონატის ჩვენების ლიცენზია დაკარგა

საქართველოში შემაშფოთებელი ტენდენციებია - მედიის თავისუფლების კოალიციის 16 წევრი ქვეყანა

კობახიძე - გვქონდა საინტერესო საუბრები ევროპელ ლიდერებთან

კობახიძე ამბობს, რომ დიუშენით დაავადებული ბავშვებისთვის არც 1 და არც 50 თეთრი არ ენანება, თუმცა ფარმაცევტულ მაფიაზე მტკიცებულებების გარეშე საუბრობს