კობახიძე: საკონსტიტუციო კომისიის მუშაობაზე 40 000 ლარი დაიხარჯა, წინა კომისიის ხარჯებმა კი, 360 000 ლარი შეადგინა

2017-05-01 13:13:47, 2188 ნახვა

პოლიტიკა

პარლამენტის თავმჯდომარე ირაკლი კობახიძემ მედიასთან შეხვედრაზე საკონსტიტუციო კომისიის ხარჯებზე ისაუბრა.

როგორც კობახიძემ აღნიშნა, ახალი საკონსტიტუციო კომისიის მუშაობაზე 40 000 ლარი დაიხარჯა, წინა კომისიის ხარჯებმა კი, 360 000 ლარი შეადგინა და შედეგი ნულოვანი იყო.

„300 სამოცი ათასი ლარი დაიხარჯა წინა კომისიის მუშაობისთვის, მაშინ როდესაც შედეგი იყო ნულოვანი. ახალმა კომისიამ 40 ათასი ლარი დახარჯა იმაში, რომ სრულიად ახალი რედაქცია საქართველოს კონსტიტუციის ჩამოეყალიბებინა. ეს ყველაფერიც მიუთითებს იმაზე, რომ პროცესი იყო ძალიან რაციონალურად დაგეგმილი და ჩვენ დავზოგეთ გადამხდელის თანხები, იმით, რომ რაციონალურად მივუდექით ამ ყველაფერს“,-განაცხადა კობახიძემ.

პარლამენტის თავმჯდომარემ განსაკუთრებული მადლობა გადაუხადა არასამთავრობო ორგანიზაციებს და ექსპერტებს.

მისივე თქმით, მათ განსაკუთრებული წვლილი შეიტანეს კონსტიტუციის ახალი რედაქციის შემუშავებაში.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან