შსს-ს განსაკუთრებულ დავალებათა დეპარტამენტის საბრძოლო მომზადებისა და გადამზადების ბაზაზე, საქართველოში ამერიკის შეერთებული შტატების საელჩოს მხარდაჭერითა და ჩართულობით, ქიმიური, ბიოლოგიური და რადიაციული   საფრთხეების გამოვლენისა და მათზე რეაგირების საკითხებზე ტრენინგი დაიწყო.

შსს-ს ინფორმაციით,  სწავლების გახსნას შინაგან საქმეთა მინისტრის მოადგილე შალვა ხუციშვილი, ამერიკის შეერთებული შტატების ელჩის მოვალეობის შემსრულებელი ნიკოლას ბერლინერი, აშშ-ის ფედერალური გამოძიების ბიუროსა (FBI) და თავდაცვის საფრთხეების შემცირების სააგენტოს (DTRA) წარმომადგენლები და შსს-ს განსაკუთრებულ დავალებათა დეპარტამენტის ხელმძღვანელები დაესწრნენ.

მათივე ცნობით, ტრენინგს  ამერიკელი სპეციალისტების მიერ გადამზადებული შსს-ს განსაკუთრებულ დავალებათა დეპარტამენტისა და საგანგებო სიტუაციების მართვის სააგენტოს ინსტრუქტორები წარუძღვებიან.

შსს-ს თანამშრომლები ქიმიური, ბიოლოგიური და  რადიაციული საფრთხის შემცველი ნივთიერებების აღმოჩენისა და მათზე რეაგირების, პირადი უსაფრთხოების აღჭურვილობების გამოყენებისა და დეკონტამინაციის საკითხებზე თეორიულ და პრაქტიკულ სწავლებებს გაივლიან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა