საქართველოს პარლამენტის საგარეო ურთიერთობათა კომიტეტის თავმჯდომარის სოფიო ქაცარავას განცხადებით, თითქმის ყველა პოლიტიკურმა ჯგუფმა თავისი მკაფიო აზრი გამოხატა იმასთან დაკავშირებით, რომ ევროსაბჭოს საპარლამენტო ასამბლეის პრეზიდენტი პედრო აგრამუნტი აგრამუნტი უნდა გადადგეს.

როგორც ქაცარავამ აღნიშნა, დღეს ღია დებატები გაიმართება, რომელშიც მონაწილეობას ქართული მხარეც მიიღებს.

„საკმაოდ მწვავე რეაქცია იყო გუშინ, განსაკუთრებით, საგაზაფხულო სესიის დაწყების პირველ დღეს, როდესაც, თითქმის ყველა პოლიტიკურმა ჯგუფმა, თავისი მკაფიო აზრი გამოხატა იმასთან დაკავშირებით, რომ აგრამუნტი უნდა გადადგეს, ეს იყო ერთ-ერთი მოთხოვნა და, მგონი, ყველა ერთსულოვანი იყო, უმრავლესობა ყოველ შემთხვევაში, უმრავლესობას ასეთი პოზიცია ჰქონდა. 

დღეს იქნება როგორც მოგეხსენებათ ღია დებატები, ველოდებით, რომ იქნება საკმაოდ მწვავე კითხვები და შეფასებები იქნება პოლიტიკოსების მხრიდან. შედეგებზე ამ წუთას არ შემიძლია ვთქვა არაფერი და კომენტარი გავაკეთო, თუმცა იქნება საკმაოდ მწვავე დებატები და ჩვენც, ცხადია, მონაწილეობას მივიღებთ. სავარაუდოდ, შეიძლება, ჩვენც დავსვათ კითხვები. ჩვენც ვუერთდებით კოლეგებს იმ განცდაში და იმ შეფასებაში რაც გუშინ გამოიხატა“, - განაცხადა სოფიო ქაცარავამ.

შეგახსენებთ, რომ ევროსაბჭოს საპარლამენტო ასამბლეის პრეზიდენტს პედრო აგრამუნტის, რუსი დეპუტატის თანდასწრებით სირიის პრეზიდენტთან შეხვედრის გამო, საპარლამენტო ასამბლეის წევრები დაუპირისპირდნენ. საპარლამენტო ასამბლეის რამდენიმე დეპუტატმა არგამუტის გადადგომაც მოითხოვა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა თანაშემწეებს განუცხადა, რომ მზად იყო ირანთან ომი ბირთვული შეთანხმების გარეშე დაესრულებინა

პენტაგონმა მოითხოვა, რომ ამერიკულმა სამხედრო-სამრეწველო კომპლექსმა დააჩქაროს იარაღის წარმოება

აშშ-მ თურქეთს უკრაინისთვის 12 HIMARS-ის 2500 ჭურვით და 70 ATACMS-ის კასეტური საბრძოლო მასალის მიყიდვის ნებართვა მისცა

გიგაზე თავდასხმამდე კონსულტაცია გაიარა... - რა დეტალებს ასაჯაროებს მოკლული მასწავლებლის დედა