საპარლამენტო უმრავლესობის ლიდერის, არჩილ თალაკვაძის განცხადებით, პარლამენტის დღევანდელ პლენარულ სხდომაზე სახელმწიფო უსაფრთხოების სამსახურის ანგარიშის წარდგენა ღია იქნება, კითხვა-პასუხის რეჟიმი კი, დახურულ ფორმატში წარიმართება. 

თალაკვაძის თქმით, ანგარიშში მოცემულია ისეთი საინტერესო ნაწილები, როგორიცაა რუსეთის მიერ ოკუპირებული ტერიტორიებიდან მომდინარე საფრთხეები, საქართველოს ძალისხმევა ტერორიზმის რისკებთან მიმართებაში და კორუფციასთან ბრძოლა.

„განსაკუთრებით მნიშვნელოვანია  სუს-ის თანამშრომლობა საერთაშორისო კონტექსტში. კერძოდ, ამერიკასთან და ევროკავშირთან. პარლამენტში ვახტანგ გომელაურის მოსვლით პასუხები ბევრ კითხვას გაეცემა. მათ შორის ოპოზიციის მუდმივ წუხილს იმის თაობაზე, პარლამენტში მოვა თუ არა უსაფრთხოების სამსახურის ხელმძღვანელი და ჩააბარებს თუ არა პარლამენტს ანგარიშს. ეს ძალიან საქმიანი ანგარიშია, რომლის განხილვა საქმიან გარემოში მოხდება.  რაც შეეხება კითხვა-პასუხის რეჟიმს, ეს ანგარიშის საჯარობაას კითხვის ნიშანს არ უსვამს.  როგორც კი კომიტეტების სხდომაზე, ჟურნალისტებმა დარბაზი დატოვეს, ოპოზიციონერებმა რიტორიკა შეცვალეს და მსჯელობა საქმიან ფორმატში გააგრძელეს. როგორც ჩანს, ქცევა კამერებთან და მის გარეშე, გარკველწილად განსხვავდება. ანგარიშის წარდგენა ღია იქნება, კითხვა-პასუხის რეჟიმი დახურულ ფორმატში იქნება“, - აღნიშნავს თალაკვაძე.

ცნობისთვის, რამდენიმე წუთში პარლამენტის დღევანდელ პლენარულ სხდომაზე, დეპუტატები ვახტანგ გომელაურს მოუსმენენ.  

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

The Sunday Times: რუსეთმა ურალში მდებარე თავისი საიდუმლო „მკვდარი ხელის“ კომპლექსი მოდერნიზება მოახდინა

დიდ ბრიტანეთში ტერორისტული თავდასხმის მცდელობა აშშ-ის საჰაერო ბაზაზე აღკვეთეს

ტრამპი: დიდ ბრიტანეთში აშშ-ის საჰაერო ძალების ბაზაზე თავდასხმაში ეჭვმიტანილებს მასშტაბური ზიანის მიყენება ჰქონდათ განზრახული

ბილ გეითსი: ხელოვნური ინტელექტის წესებზე შეთანხმება ბირთვული იარაღის შეზღუდვაზე უფრო რთული იქნება