კონკურსის "შეNს ქალAქს დაუTOვე" გამარჯვებულები დაჯილდოვდნენ

2017-04-11 19:10:50, 1573 ნახვა

საზოგადოება

ნატო-სა და ევროკავშირის შესახებ საინფორმაციო ცენტრის ინიციატივით, საქართველოს 10 ქალაქში კონკურსი "შეNს ქალAქს დაუTOვე" ჩატარდა.

კონკურსი საქართველოს მასშტაბით ნატო-ს თემაზე შემოსული ესკიზების მიხედვით წინასწარ შერჩეული ობიექტების მოხატვას ითვალისწინებდა.

ნატო-ს დღეების ფარგლებში, საუკეთესო ესკიზების ავტორების მიერ მოხატული ობიექტების პრეზენტაცია და დაჯილდოება გაიმართა.

ესკიზები ნატო-საქართველოს ურთიერთობების პერსპექტივებს, ნატოს მიზნებსა და ამოცანებს და საქართველოს ევროატლანტიკურ არჩევანს გამოხატავს.

როგორც ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის ვიქტორ დოლიძის განცხადებით, მსგავსი კამპანია საზოგადოების ცნობიერების ამაღლებისთვისაა მნიშვნელოვანი.

"ძალიან კარგი და აქტიური დღეები გვაქვს. აქტიური კამპანია გამოდგა ევროკავშირის და ნატო-ს პოპულარიზაციის თვალსაზრისით. ყველაფერი ძალიან მასშტაბური გამოვიდა, რაც თავისთავად აისახება ჩვენი მოქალაქეების ცნობიერების ამაღლებაზე და ეს ძალიან მნიშვნელოვანია. სტრატეგიული კომუნიკაცია ჩვენს თანამოქალაქეებთან, ჩვენი საქმიანობის ერთ-ერთი მთავარი ელემენტია. ძალიან მიხარია, რომ ასე კარგად, გემოვნებიანად და დატვირთულად გამოგვივიდა ნაშრომებიც. გადავწყვიტეთ, რომ ეს ადამიანები დაგვეჯილდოვებინა და საზეიმო განწყობა შეგვექმნა", - აღნიშნა დოლიძემ.

მინისტრის თქმით, მსგავსი კამპანიები მომავალშიც გაგრძელდება.

"მსგავს კამპანიებს გავაგრძელებთ. გვინდა, რომ ყველა მოქალაქებდა ასეთი ტიპის ინფორმაცია მაქსიმალურად მივიტანოთ და გავზარდოთ მათი ცნობიერება", - დასძინა ვიქტორ დოლიძემ.

კონკურსის მიხედვით, გამარჯვებული გუნდი ევროპის ერთ-ერთ ქალაქში გაიმგზავრება.

ცნობისთვის, გამოფენას ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის ვიქტორ დოლიძე, ნატოს სამეკავშირეო ოფისის ხელმძღვანელი უილიამ ლაჰიუ და ბულგარეთის ელჩი საქართველოში დასისლავა ივანოვა ესწრებოდნენ.

(NS)

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან