პარლამენტმა მესამე მოსმენით მიიღო „ქართული ოცნების“ მიერ წარდგენილი კანონპროექტი, რომელიც სახელმწიფო საკუთრებაში გადაცემული საქონლის, მათ შორის მსუბუქი ავტომობილების, იმპორტის აქციზის გადასახადისგან გათავისუფლებას ითვალისწინებს.

საგადასახადო კოდექსში შეტანილი ცვლილებები ერთხმად, 72 ხმით იქნა მიღებული.

მოქმედი საგადასახადო კანონმდებლობის თანახმად, სახელმწიფო საკუთრებაში გადაცემული ქონების იმპორტი გათავისუფლებულია დამატებული ღირებულების გადასახადისგან (დღგ) და იმპორტის გადასახადისგან, თუმცა ეს გათავისუფლება აქციზის გადასახადს არ ეხება.

კანონპროექტის ავტორების თქმით, ეს სიტუაცია მნიშვნელოვან პრაქტიკულ და სისტემურ პრობლემებს ქმნის აქციზური საქონლისთვის, მათ შორის მსუბუქი ავტომობილებისთვის.

„მიუხედავად იმისა, რომ ქონება უკვე სახელმწიფო საკუთრებაშია, სახელმწიფო ვალდებულია იმპორტისას გადაიხადოს აქციზის გადასახადი.

შედეგად, ირღვევა საგადასახადო სისტემის თანმიმდევრულობისა და ნეიტრალიტეტის პრინციპები. სახელმწიფო იძულებულია, საკუთარ აქტივებთან დაკავშირებით დამატებითი საგადასახადო ვალდებულებები აიღოს, რაც ეკონომიკურად აზრს მოკლებულია და დამატებითი ფინანსური და ადმინისტრაციული რესურსების მობილიზებას მოითხოვს“, - ნათქვამია კანონპროექტის განმარტებით ბარათში.

ავტორი: ექსპრესნიუსი,

სოციალური ქსელები

კახა კალაძე: მჯერა, ჩვენი გმირების ბრძოლას უკვალოდ არ ჩაუვლია, ოკუპაცია დროებითია, სამშობლო კი მარადიული

გვარამია - პატივი მივაგოთ ჩვენს გმირებს და ხმამაღლა ვუთხრათ სამყაროს: სოხუმი საქართველოა! საქართველო ჩვენია! რუსეთი მტერია!

კობახიძე ამტკიცებს, რომ ტრამპს და რუბიოს ესაუბრა

კაცმა ფარულად შეაღწია საცხოვრებელ სახლში, ბლაგვი საგნით და ცივი იარაღით დაზიანებები მიაყენა თანასოფლელ, ხანდაზმულ ქალს, დანაშაულის ადგილს ცეცხლი წაუკიდა და მიიმალა - ქალი ადგილზე გარდაიცვალა