სამი ტყუპი - გაბრიელი, ილია და ლილე სურმანიძეები ქვეყანას 31 მარტს მოევლინნენ. ახალშობილების დედად - ელზა თურმანიძე და ბავშვები თავს კარგად გრძნობენ.

სამი ტყუპი დღეს, აჭარის მთავრობის თავმჯდომარემ ზურაბ პატარაძემ, მთავრობის თავმჯდომარის მეუღლემ სოფიო ბაკურიძემ, აჭარის ჯანდაცვის მინისტრმა ზაალ მიქელაძემ და მინისტრის პირველმა მოადგილემ ლელა სურმანიძემ მოინახულეს.

მთავრობის წევრებმა სურმანიძეების ოჯახს აჭარის ჯანდაცვის სამინისტროს პროგრამის ფარგლებში 3,000 ლარი გადასცეს. პროგრამის ფარგლებში გათვალისწინებულია ერთჯერადი მატერიალური დახმარების გაცემა იმ ოჯახებზე, სადაც დაიბადება ტყუპი - ტყუპისცალზე გაიცემა დახმარება 1000 ლარის ოდენობით. სურმანიძეების სამი ტყუპი ჯანმრთელობის ცენტრ „მედინაში“ დაიბადნენ.

პროგრამის ფარგლებში, თანხა უკვე გაცემულია 16 ოჯახზე, აქედან მხოლოდ ერთი ოჯახია სამი ტყუპით. გასულ წელს ერთჯერადი მატერიალური დახმარება გაიცა 75 ოჯახზე, გაცემულმა თანხამ შეადგინა 149,000 ლარი.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს