აჭარის მთავრობის თავმჯდომარე ზურაბ პატარაძე ხელვაჩაურის მუნიციპალიტეტს ეწვია და დაბა ხელვაჩაურში  რეაბილიტირებული კულტურის ცენტრი დაათვალიერა.

აჭარის მთავრობის ადმინისტრაციის პრესსამსახურის ინფორმაციით, ჩატარებული სამუშაოების შესახებ ინფორმაცია რეგიონის ხელმძღვანელს ხელვაჩაურის გამგებელმა, ნადილ ვარშანიძემ მიაწოდა.

2016 წელს დაწყებული სარეაბილიტაციო სამუშაოები კულტურის სახლში დამამთავრებელ ეტაპზეა, დარჩენილია სცენის მოწყობის, განათებისა და ინვენტარით აღჭურვის სამუშაოები. 

კულტურის სახლის ორსართულიანი შენობა ადაპტირებულია შშმ პირებისთვის. მოეწყო პანდუსები და  დამონტაჟდა ლიფტი. შენობა  შეფუთულია მინით.  კულტურის ცენტრის ახალი დარბაზი 450 მაყურებელზეა გათვლილი. 

სარემონტო სამუშაოებზე, პროექტის თანახმად, 837 555 ლარი დაიხარჯა.

შენობის რეაბილიტაციის პროცესში 50-მდე  ადგილობრივი კადრი იყო  დასაქმებული.

ახალი კულტურის ცენტრში სცენასთან ერთად მოწყობილია საგამოფენო და საკონფერენციო სივრცეები, რაც ხელს შეუწყობს ხელვაჩაურის მუნიციპალიტეტში სხვადასხვა თემატიკის ღონისძიებების ჩატარებას და პოპულარიზაციას. 

აღსანიშნავია, რომ მუნიციპალური ბიუჯეტით, 2013 წლიდან დღემდე სხვადასხვა ლოკაციაზე 17 კულტურის სახლის რებილიტაცია ჩატარდა. მიმდინარეობს ასევე ახალშენის კულტურის სახლის სარეაბილიტაციოა სამუშაოები, სადაც 600 ადამიანზე გათვლილი დარბაზია განთავსებული. შენობაში ნახევარი საუკუნეა სარემონტო სამუშაოები არ ჩატარებულა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს