ძალიან უკმაყოფილო ვართ მოსამართლის გადაწყვეტილებით, ამის შესახებ "ცენტრ პოინტის" დაზარალებულმა თამარ ფირცხალაიშვილი "რუსთავი 2"-ის პირდაპირ ეთერში განაცხადა.

მისი თქმით, კომპანიის წარმომადგენელი, პაატა სვანიძე, ერთ-ერთ დაზარალებულს ხელითაც შეეხო, რაზეც ამჟამად საქმეც არის აღძრული. მისივე თქმით, ყადაღის მოხსნა აუცილებელი არ არის და სხვა მენაშენე აუცილებლად ააშენებს.

„პროკურატურას ყველა ქონება დაყადაღებული აქვს და ვთხოვთ, რომ არ მოხსნას არავითარ შემთხვევაში. ძალიან უკმაყოფილო ვართ მოსამართლის გადაწყვეტილებით. რა გარიგება შედგა დამნაშავეებსა და მოსამართლეს შორის, პროკურატურასა და დამნაშავეს შორის, ეს ჩვენ ძალიან გვაინტერესებს“, - განაცხადა თამარ ფირცხალაიშვილმა.

დაზარალებული ნინო დარასელის შვილის მუქარაზე საუბრობს და ამბობს, რომ "ზაზა ბერიძე, გვიგზავნის წერილებს, აბსოლუტურად ყველა დაზარალებულს სათითაოდ ჩამოგივლით სახლებშიო"

„ნინო დარასელის შვილი, ზაზა ბერიძე, გვიგზავნის წერილებს, აბსოლუტურად ყველა დაზარალებულს სათითაოდ ჩამოგივლით სახლებშიო. რატომ უნდა ჩამოგვიაროს, ჩვენი გაცნობა უნდა, თუ რამე მუქარას შეიცავს მისი წერილი? ძალიან ვთხოვ, საგამოძიებო უწყებები დაინტერესდნენ ამ ფაქტით“, - განაცხადა თამარ ფირცხალაიშვილი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რასა იუკნევიჩიენე: სამხრეთ კავკასიაში ევროკავშირის პერსპექტივა ცოცხალია, თუმცა მესმის ქართველების იმედგაცრუება, რომ თბილისი ამის მიღმა დარჩა

კობახიძეს ჯერა, რომ ევროპარლამენტარები თავს ესხმიან საქართველოში მედიის თავისუფლებას

თეთრი სახლის მახლობლად სროლა მოხდა: აშშ-ის საიდუმლო სამსახურმა მსროლელი დაჭრა

კობახიძე ზელენსკიზე: მე პირადად ზელენსკი ნეგატიურ კონტექსტში არასდროს მიხსენებია