საქართველოს ეკონომიკისა და მდგრადი განვითარების მინისტრი გიორგი გახარია აჭარაში ტურიზმის სექტორის წარმომადგენლებს შეხვდა. შეხვედრის მთავარი მიზანი  ზაფხულის ტურისტული სეზონისთვის მომზადება და არსებული გამოწვევების განხილვა იყო. ტურიზმის სექტორის წარმომადგენლებთან სიტყვით გამოსვლისას გიორგი გახარიამ და ზურაბ პატარაძემ ყურადღება ქვეყანისა და რეგიონისთვის ტურიზმის მნიშვნელობაზე გაამახვილეს. მათ ასევე, ისაუბრეს ქვეყანაში ტურიზმის განვითარების კუთხით დაგეგმილ პროექტებზე. სტუმრებმა ქვეყნისა და რეგიონის ტურისტული პოტენციალის რეკლამირების მიზნით დაგეგმილი ღონისძიებების, ასევე ქვეყანაში მომსახურების განვითარების კუთხით განსახორციელებელი პროექტების შესახებ  პრეზენტაცია მინისტრის მოადგილე ქეთევან ბოჭორიშვილისიგან მოისმინეს. 

ტურიზმის სექტორთან შეხვედრას ესწრებოდნენ აჭარის მთავრობის თავმჯდომარე ზურაბ პატარაძე, საქართველოს ეკონომიკისა და მდგრადი განვითარების მინისტრის მოადგილე ქეთევან ბოჭორიშვილი, ტურიზმის ეროვნული ადმინისტრაციის ხელმძღვანელი გიორგი ჩოგოვაძე, აჭარის ტურიზმის დეპარტამენტის თავმჯდომარე სულხან ღლონტი და სხვა სამთავრობო სტრუქტურების წარმომადგენლები. 

ტურიზმის სექტორთან შეხვედრის შემდეგ საქართველოს ეკონომიკისა და მდგრადი განვითარების მინისტრი გიორგი გახარიამ აჭარის მთავრობისა და ტურიზმის დეპატამენტის თავმჯდომარეებთან ერთად ბათუმის აეროპორტი, ბათუმში მიმდინარე ნაპირსამაგრი სამუშაოები და ახალ ბულვარში საგაზაფხულო სამუშაოები მოინახულა. მინისტრმა ასევე დაათვალიერა ძველი ბულვარი, იახტკლუბი და ნავმისადგომი. 

„ზაფხულის ტურისტული სეზონი გვიახლოვდება და მნიშვნელოვანია ტურისტული სექტორი ტურისტებს მზად დახვდეს. შეხვედრის მთავარი მიზანი სწორედ ტურისტული სერვისის მიმწოდებელი ობიექტების ინფორმირება და მათთან ერთად არსებული გამოწვევების განხილვა იყო. ტურისტების დიდ რაოდენობას ჩვენ  20 მაისს, როკ-ჯგუფის Aerosmith-ის კონცერტის პერიოდში ველოდებით და  გვინდა, აჭარა ტურისტებს სათანადოდ დახვდეს.  გარდა ამისა, ჩვენ ვაგრძელებთ შეხვედრებს და რეკომენდაციების მიწოდებას მუნიციპალიტეტებისთვისაც, რაც არსებული ხარვეზების დროულად აღმოფხვრას ემსახურება,“ აღნიშნა აჭარის ტურიზმის დეპარტამენტის თავმჯდომარე სულხან ღლონტმა. 

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

The Telegraph: ლაიფციგის აეროპორტის დივერსია რუსმა მოტოციკლისტმა დაგეგმა, რომელსაც ГРУ-სთან კავშირი ჰქონდა

საქართველოს ბანკის მხარდაჭერით, მეწარმე ქალთა განვითარების პროგრამის ფარგლებში, კიდევ 18 მეწარმე გადამზადდა

ეკონომიკური ზრდა მოლოდინებთან თანხვედრაშია, ინფლაციის სტრუქტურა იცვლება.

არასამთავრობო ორგანიზაციები პატიმრის გაუპატიურების ფაქტზე ხელისუფლების დაუყოვნებლივ რეაგირებას ითხოვენ