2017-03-24 12:59:50, 1447 ნახვა
საზოგადოება
სამგორის გამგეობამ საკანალიზაციო ქსელების სარეაბილიტაციო სამუშაოები შეაჯამა
სამგორის რაიონის გამგეობა საცხოვრებელი კორპუსების წითელ ხაზებში არსებული ცენტრალური საკანალიზაციო ქსელის სარეაბილიტაციო სამუშაოებს აგრძელებს.
თბილისის მერიის ინფორმაციით, ამ დროისთვის, რეაბილიტაცია 14 მისამართზე უკვე ჩატარდა, კიდევ 14 მისამართზე კი სამუშაოები მიმდინარეობს.
მათივე ინფორმაციით, საკანალიზაციო სისტემა სულ 427 გრძ/მეტრზე შეიცვლება, რაც საცხოვრებელი კორპუსების ავარიულობის საფრთხეს შეამცირებს.
ჩატარებული სამუშაოების საერთო ღირებულება 176, 384 ლარია.
ცენტრალური საკანალიზაციო ქსელის რეაბილიტაციას, სამგორის რაიონის დაკვეთით, შპს “ექსპრეს კომპანია“ აწარმოებს.
(NS)
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
