აკადემიური საკონსულტაციო საბჭოს პირველი სხდომა გაიმართა

2017-03-23 19:11:49, 3031 ნახვა

პოლიტიკა ეკონომიკა სამართალი საზოგადოება

ქ. ბათუმში სასტუმრო რედისონში აკადემიური საკონსულტაციო საბჭოს პირველი სხდომა გაიმართა.

საზღვაო განათლების ხარისხის გაუმჯობესების მიზნით საკონსულტაციო საბჭო პირველად საქართველოს საზღვაო ისტორიაში საქართველოს ეკონომიკისა და მდგრადი განვითარების სამინისტროს საზღვაო ტრანსპორტის სააგენტოს დირექტორის (საერთაშორისო საზღვაო ორგანიზაციის ელჩის საქართველოში) კაპიტან მამუკა ახალაძის ბრძანებით 2017 წლის 07 მარტს შეიქმნა, რომლის წევრებიც გახლავთ საზღვაო ტრანსპორტის სააგენტოს წარმომადგენლები, საზღვაო სასწავლო-საწვრთნელი დაწესებულებების ხელმძღვანელები, განათლებისა და წვრთნების ექსპერტები, ლოცმანები და საკრუინგო კომპანიების Columbia Shipmanagement- ის, Queensway Service-სა და Marlow Crew Management-ის წარმომადგენლები.
აღნიშნული საბჭოს სხდომები, რომელშიც გაერთიანებულია საზღვაო სფეროს მარეგულირებელი ორგანო, დამსაქმებლები და სასწავლებლები, ჩატარდება კვარტალში ერთხელ და მიზნად ისახავს:

საზღვაო განათლების განვითარების ხელშეწყობა, საზღვაო განათლების სფეროში საგანმანათებლო პოლიტიკის დაგეგმვა და მის განხორციელებასთან დაკავშირებული წინადადებების და რეკომენდაციების მომზადება

განათლების გაუმჯობესების მიზნით დასახული მიზნების მხარდაჭერის უზრუნველყოფა .
ქართველი კადეტების და მეზღვაურების პოპულარიზაციის ხელშეწყობა.

(NS)