ამერიკის შეერთებული შტატების პრეზიდენტმა დონალდ ტრამპმა გერმანიის კანცლერ ანგელა მერკელს თეთრ სახლში საპროტოკოლო ფოტოგადაღებისას ხელი არ ჩამოართვა.

თეთრი სახლის ოვალურ კაბინეტში ორი ქვეყნის ლიდერს ფოტოგრაფებმა ხელის ჩამორთმევა სთხოვეს, თუმცა ტრამპმა აღნიშნულ თხოვნას ყურადღება არ მიაქცია. ამის შემდეგ მას ხელის ჩამორთმევა თავად მერკელმა შესთავაზა, მაგრამ აშშ-ის პრეზიდენტმა არც გერმანიის კანცლერს უპასუხა.

როგორც გამოცემა Politico წერს, უცნობია, პრეზიდენტმა ეს მიზანმიმართულად გააკეთა თუ ფოტოგრაფებისა და კანცლერის თხოვნა არ გაითვალისწინა.

მანამდე, აშშ-ის პრეზიდენტი გერმანიის კანცლერს თეთრი სახლის შესასვლელში პირადად დახვდა, ხელი გაუწოდა და რეზიდენციისკენ გაუძღვა.

ცნობისთვის, დონალდ ტრამპმა და ანგელა მერკელმა გუშინ პირველი შეხვედრა გამართეს. შეხვედრაზე მხარეებმა საკითხების ფართო სპექტრი განიხილეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროპაში დივერსიული თავდასხმების სერიის შემდეგ, ევროკავშირი განიხილავს GRU-ს (ГРУ) ტერორისტული ორგანიზაციების სიაში დამატებას.

თიბისი ტექსკოლა - ტექნოლოგიური განათლება უფასოდ ყველა უფროსკლასელისთვის

საქართველოს ბანკის მხარდაჭერით, სტუდია „GARNAMATAC”-მა ახალი საბავშვო ანიმაციური სერიალი - „მარგო და კირა“ შექმნა

საია - ჩორჩანაში საგუშაგოს განთავსება არ შეიძლება ავტომატურად შეფასდეს ოკუპანტი ძალის პროვოცირებად, იგი ემსახურებოდა მცოცავი ოკუპაციის შეკავებას