2017-03-15 20:36:54, 2714 ნახვა
მსოფლიო
აშშ-ის იუსტიციის დეპარტამენტმა რუსეთის 4 მოქალაქეს, მათ შორის FSB-ს ორ ოფიცერს ბრალი წაუყენა
ამერიკის შეერთებული შტატების იუსტიციის დეპარტამენტმა yahoo-ს ანგარიშებზე განხორციელებული კიბერშეტევებისთვის რუსეთის 4 მოქალაქეს, მათ შორის რუსეთის უსაფრთხოების ფედერალური სამსახურის ორ ოფიცერს ბრალი წაუყენა.
BBC-ის ინფორმაციით, გამოძიებამ დაადგინა, რომ რუსეთის უსაფრთხოების ფედერალური სამსახურის წევრები ჰაკერებთან თანამშრომლობდნენ.
აშშ-ს საგამოძიებო სამსახურების ინფორმაციით, ეჭვმიტანილები არიან: იგორ სუშჩინი, დიმიტრი დოკუჩაევი, კარიმ ბარატოვი და ალექსეი ბელანი.
ცნობისთვის, 2016 წლის სექტემბერში Yahoo-ს ხელმძღვანელობამ გაავრცელა განცხადება, სადაც აღნიშნული იყო, რომ 2014 წელს Yahoo-ს 500 მილიონ ანგარიშზე განხორციელებული კიბერთავდასხმის უკან სახელმწიფოს მიერ დაფინანსებული ჰაკერები იდგნენ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
