2017-03-13 09:41:59, 2248 ნახვა
სამართალი
გიორგი მამალაძის დაკითხვა დღეს განახლდება
დეკანოზ გიორგი მამალაძის დაკითხვა დღეს განახლდება. პროკურატურის წარმომადგენლებს ე.წ. მატროსოვის ციხეში 10 საათისთვის ელოდებიან. დეკანოზის ოჯახის უსაფრთხოება უზრუნველყოფილია, რის გამოც გიორგი მამალაძე დაკითხვის განახლებას დათანხმდა. შეგახსენებთ, დეკანოზი გიორგი მამალაძე პროკურატურის თანამშრომლებმა მკვლელობის მომზადების ფაქტზე ბრალდებულის სახით 10 თებერვალს დააკავეს. 12 თებერვალს საქართველოს პროკურატურის შუამდგომლობის საფუძველზე თბილისის საქალაქო სასამართლოს განჩინებით გიორგი მამალაძეს აღკვეთის ღონისძიების სახით პატიმრობა შეეფარდა. იგი რუსთავის მე-6 პენიტენციურ დაწესებულებაში იმყოფებოდა, 15 თებერვალს კი, ე.წ. მატროსოვის ციხეში გადაიყვანეს. აღსანიშნავია, რომ დეკანოზი წარდგენილ ბრალს არ აღიარებს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
