2017-03-11 19:14:04, 2743 ნახვა
სამართალი
ბათუმში პოლიციისთვის წინააღმდეგობის გაწევის ბრალდებით ორი პირი დააკავეს
ბათუმში აქციაზე პოლიციისთვის წინააღმდეგობის გაწევის ბრალდებით 2 პირი დააკავეს, - ამის შესახებ ინფორმაციას "მოამბე" ავრცელებს.
მომხდარს წინ უძღოდა „ბათუმი პლაზასთან“ მომხდარი ინციდენტი, კერძოდ, ადგილობრივები პოლიციის თანამშრომლებს მას შემდეგ დაუპირისპირდნენ, რაც ორ მძღოლს უკანონო პარკირებისთვის ჯარიმა გამოუწერეს.
ადგილობრივებისთვის თქმით, ბოლო პერიოდში, საპატრულო პოლიციის თანამშრომლები ზედმეტად აგრესიულად იქცევიან, რაც მოსახლეობის უკმაყოფილებას იწვევს.
სამართალდამცავებთან დაპირისპირების შემდეგ, მოსახლეობამ აქცია გამართა.
ცნობისთვის, საპატრულო პოლიციის ხელმძღვანელობა აჭარაში რამდენიმე თვის წინ შეიცვალა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
