საქართველოს მთავარი პროკურორის მოადგილე ირაკლი შოთაძე არ ეთანხმება მოსაზრებას, რომ საქართველოში დღეს მოქალაქეები უფრო მეტად დაუცველები არიან, ვიდრე ადრე.

როგორც შოთაძემ "მაესტროს" ეთერში განაცხადა, დანაშაულებები-მკვლელობა, ყაჩაღობა, ძარცვა, ნებისმიერ ქვეყნაში ხდება და მომავალშიც მოხდება, რადგან მისივე განმარტებით, იდეალური საზოგადოება, სადაც ასეთი დანაშაულებები არ ხდება, მსოფლიოში არ არსებობს.

შოთაძის განცხადებით, მთავარია, საგამოძიებო ორგანოებმა დანაშაულებს ადეკვატურად უპასუხონ და დამნაშავეები დაუსჯელები არ დატოვონ. ამას კი, შოთაძის მტკიცებით, მთავარი პროკურატურა აკეთებს, რის მაგალითადაც იურიზი ვაზაგაშვილის მკვლელობაში ეჭვმიტანილი პირის დაკავება დაასახელა.

"ნებისმიერ მოქალაქეს მინდა ვუთხრა, რომ საქართველოს პროკურატურის საქართველოს სამართალდამცავი ორგანოების მიერ არც ერთი დამნაშავე, არც ერთ საქმეზე დანაშაულის ჩამდენი პირი, არ დარჩება დაუსჯელი. ყველა ჩვენს რესურს გამოვიყენებთ, რომ შესაბამისი დანაშაულის ჩამდენი პირები კანონის სრული სიმკაცრით დაისაჯონ.რაც შეეხება დაუცველობას, მინდა ვთქვა, რომ მკვლელობები ყველგან ყოველთვის ხდებოდა, იმაზე მსჯელობა რომ დღეს საქართველოს მოქალაქეები უფრო დაუცველები არიან, ვიდრე იყვნენ, ან მომავალში იქნებიან, არასწორი იქნება. მსგავსი სასტიკი დანაშაულებები ხდებოდა და მომავალშიც მომხდება, რადგან იდეალური საზოგადოება, სადაც ყაჩაღობა ძარცვა, მკვლელობ არ ხდება, ასეთი საზოგადოება, ქვეყანა სახელწიფო, მსოფლიოში არ არსებობს. მთავარი გამოწვევა ამ შემთხვევაში პროკურატურის სამართალდამცავი ორგანოების არის ასეთ სასტიკ დანაშაულებს მკაცრად ვუპასუხოთ და ამ მიმართულებით ყველაფერს გავაკეთებთ, რისი მაგალითიც არის იური ვაზაგაშვილის მკვლელობის სქმე, სადაც ბრალდებულის სახით დაკავებულია უკვე პიროვნება, რომლის მიმართაც არსებობს მყარი მტკიცებულებები, რომ მან მოახდინა სასაფლაოზე ხელყუმბარის დამონტაჟება, რასაც შედეგად იური ვაზაგაშვილის აფეთქება მოყვა. ჩვენ თითოეულ ამ საქმეს მივიყვანთ ბოლომდე, თითოეული დამანშავე დაისჯება. მთელი ქვეყანა უნდა გაერთინადეს, რომ ასეთი დამნაშავეები დავსაჯოთ.ამას მხოლოდ პროკურატურა ვერ გააკეთებს. პროკურატურას ამ მიმართულებით სჭირდება პირველ რიგში საზოგადოების მხარდაჭერა, რისი დიდი იმედიც გვაქვს",-განაცხადა ირაკლი შოთაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დევდორაკის ხეობაში მეწყერის საფრთხის დონე მოხსნილია, მუშაობა განაახლა გამშვებმა პუნქტმა დარიალმა

25 სექტემბრის მდგომარეობით, კახეთში გადამუშავებულია 60 ათასი ტონა ყურძენი

ყაზბეგის საბაჟომ მუშაობა განაახლა

საქართველოს ბანკის მომხმარებლებს Western Union-ის გზავნილებზე 50%-იანი ფასდაკლებით სარგებლობა შეუძლიათ