სასამართლომ მაია რჩეულიშვილს 250 ათასი ლარის ღირებულების ქონება ჩამოართვა

2017-02-23 12:46:42, 2678 ნახვა

სამართალი

სასამართლომ „ცენტრპოინტის“ დამფუძნებელს მაია რჩეულიშვილს 250 000 ლარის ღირებულების უძრავი ქონება ჩამოართვა.

აღნიშნული გადაწყვეტილება საქალაქო სასამართლომ დღევანდელ პროცესზე მიიღო. მოსამართლემ პროკურატურის მოთხოვნა გაიზიარა.

პროკურორის განცხადებით, მაია რჩეულიშვილმა გირაოს ღონისძიების პირობა დაარღვია და საგამოძიებო უწყებამ სწორედ ამიტომ მოითხოვა მისთვის ქონების ჩამორთმევა.

საუბარია 250 000 ლარზე, რომელიც ბრალდებულს ერთ-ერთ ეპიზოდზე გირაოს სახით ჰქონდა შეფარდებული.

ახალი ბრალი პროკურატურამ რჩეულიშვილს რამდენიმე დღის წინ წაუყენა.

გამოძიება მაია რჩეულიშვილს ამჯერად 236 177 ლარის მითვისებას ედავება.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან