ახალგაზრდა იურისტთა ასოციაციის თავმჯდომარის გიორგი გოცირიძის განცხადებით, საკონსტიტუციო კომისიის დღევანდელ სხდომაზე  პრეზიდენტისთვის გარკვეული უფლებამოსილების შეკვეცის ინიციატივა გაჟღერდა.

კერძოდ, საუბარია  უფლებამოსილების შემცირებაზე  შეწყალებასთან, ვეტო-ს დადებასთან  და მოქალაქეობასთან დაკავშირებით.

ამასთან, გიცირიძის თქმით, გამოითქვა მოსაზრება, რომ  პრეზიდენტს უნდა ჰქონდეს საპარლამენტო უმრავლესობის მიერ დასახებული პირის, პრემიერ-მინისტრად წარდგენის შესაძლებლობა, პარლამენტის დათხოვნის შესაძლებლობა და სხვა ფუნქციების განსახორციელებლად  მას  კონტრასიგნაცია სჭირდება.

"კონტრასიგნაციის ახალი მცნება იქნა შემოღებული, როდესაც მაგალითად პრეზიდენტი არ ნიშნავს კონკრეტულ ელჩს, მთავრობას ჰქონდეს მისი დანიშვნის უფლებამოსილება. რეალურად ყველა ევროპულ ქვეყანაში, იქნება ეს საპრეზიდენტო, ნახევრად საპრეზიდენტო, თუ საპარლამენტო, მთავრობის წარდგინებით სხვა ქვეყნებში ელჩს ნიშნავს პრეზიდენტი. ირაკლი კობახიძემ თქვა, რომ ეს არის ფორმალური უფლებამოსილება.იმის თქმა ძნელია, არის თუ არა ეს ფორმალური უფლებამოსილება. არც ერთი ქვეყნის კონსტიტუცია არ ნიშნავს იმას, რომ თუ კი პრეზიდენტი არ ნიშნავს ელჩს, ამის უფლებამოსილება ჰქონდეს პრემიერს, მთავრობას, ეს ინიციატივა ჩვენთვის მიუღებელია",-აღნიშნა გიორგი გოცირიძემ.

აღნიშნული ინიციატივის ავტორი თენგიზ შარმანაშვილია.

" ანუ, პრეზიდენტს მხოლოდ თავისი ადმინისტრაციის წევრების დანიშვნის შემთხვევაში არ სჭირდება კონტრასიგნაცია",-განმარტა გიორგი გოცირიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

“ნაციონალურ მოძრაობას“ შსს-მ რიყის დოქებთან სააკაშვილის მხარდამჭერი აქციის განართვის ნებართვა არ მისცა

რუსთავში მარტოხელა დედას სამი შვილით ბინიდან ასახლებენ - ვიდეო

ირანის ელჩი თბილისში საელჩოს ფასადზე ქეთევან დედოფლის გამოსახულების განათებას ეხმაურება

ჰეგსეთმა პენტაგონს დაავალა, შუალედურ არჩევნებში უცხოური ჩარევის წინააღმდეგ ბრძოლა