მარნეულის დემოკრატიული ჩართულობის ცენტრში სახელმწიფოებრივ და სამართლებრივ საკითხებზე საჯარო ლექცია-ტრენინგი ჩატარდა. ღონისძიებას ესწრებოდნენ მარნეულში მცხოვრები ეთნიკურად აზერბაიჯანელი ახალგაზრდები.

ლექცია მათ მშობლიურ, აზერბაიჯანულ ენაზე წაიკითხა საქართველოს აზერბაიჯანელ იურისტთა ასოციაციის ხელმძღვანელმა, სამართლის მაგისტრმა ალი ბადიროვმა. სტუდენტებს შეეძლოთ შეკითხვების დასმა როგორც აზერბაიჯანულ, ასევე ქართულ და რუსულ ენებზე.

შეხვედრაზე განხილული იქნა როგორც საკონსტიტუციო, ასევე საარჩევნო სამართლის საკითხები. შეკითხვები ძირითადად ეხებოდა ეთნიკური უმცირესობების უფლებებს და მათი ინტეგრაციის პრობლემებს.

”ვფიქრობ, რომ საინტერესო შეხვედრა შედგა. მადლობას ვუხდი მარნეულის დემოკრატიული ჩართულობის ცენტრს ასეთი ინიციატივისთვის და შეხვედრის ორგანიზებისთვის. ჩემი აზრით, დასმულ ყველა შეკითხვას ამომწურავი პასუხი გავეცი. კმაყოფილი ვარ მარნეულელების აქტივობით. რაც უფრო ხშირი იქნება ასეთი შეხვედრები, განსაკუთრებით კი ეთნიკური უმცირესობების წარმომადგენლებთან, ეს მით უფრო წაახალისებს ახალგარზდებს, სწავლისადმი სტიმულს გაზრდის და ინტეგრაციის პროცესს გააძლიერებს” - აცხადებს საქართველოს აზერბაიჯანელ იურისტთა ლიდერი ალი ბადიროვი. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროპარლამენტში მუშაობა 1 წლით სამთავრობო „რუსთავი 2“-სა და PosTV-საც აეკრძალათ -კშიშტოფ ბრეიზა

შშმ არასრულწლოვან გერსა და ცოლზე ძალადობის, იძულების და მუქარისთვის 1 პირი დააკავეს

ექიმების განცხადება: მოვუწოდებთ სახელმწიფოს, შეიმუშაოს იშვიათი დაავადებების მართვის მკაფიო პოლიტიკა

კიევის სასამართლომ ფულის გათეთრების საქმეზე უკრაინის პრეზიდენტის ადმინისტრაციის ყოფილი ხელმძღვანელი, ანდრეი იერმაკი დააკავა