თამარის დასახლებაში მდებარე „სოციალურ სახლში“ 9 ეკომიგრანტ ოჯახზე საცხოვრებელი ბინების საკუთრებაში გადაცემის პროცედურები დაიწყო.

ბინების განაწილება კენჭისყრის წესით დღეს აჭარის ფინანსთა და ეკონომიკის სამინისტროში განხორციელდა.

აჭარის ჯანდაცვის სამინისტროს ინფორმაციით, უახლოეს დღეებში შესაბამისი ბრძანების პროექტი მომზადდება და იურიდიული პროცედურების დასრულების შემდეგ, კომისიის მიერ შერჩეულ ეკომიგრანტ ოჯახებთან, საკუთრების ინდივიდუალური ხელშეკრულებები გაფორმდება.

ბენეფიციართა განცხადებები აჭარის ჯანდაცვის სამინისტროში არსებულმა აჭარის ა.რ სტიქიური მოვლენების შედეგად მიყენებული ზარალის სალიკვიდაციო შერეულმა სამთავრობო კომისიამ შეისწავლა. აღნიშნულმა კომისიამ 9 ოჯახზე ბინების გაცემის რეკომენდაცია გასცა.

თამარის დასახლებაში არსებული „სოციალური სახლი“ 116 ბინიანია და ამ დროისთვის ყველა საცხოვრებელი ბინა შესაბამისი საჭიროების ოჯახებს გადაეცა.

„უახლოეს პერიოდში თამარის დასახლებაში(58 ბინა) და სოფელ ვაშლოვანში (72 ბინა) 2 „სოციალურ სახლში“ კიდევ 130 ოჯახი მიიღებს ბინას საკუთრებაში. აღნიშნული სოციალური სახლების მშენებლობა 2015 წელს დაიწყო და ამ ეტაპზე მშენებლობა უკვე დასრულებულია. ამ დროისთვის კიდევ ერთი 23 ბინიანი „სოციალური სახლი“ ხელვაჩაურში,ურეხში შენდება და მიმდინარე წლის მაისში დასრულდება. საცხოვრებელი ბინები საკუთრებაში შესაბამისი საჭიროების მქონე ოჯახებს გადაეცემა. 2013 წლიდან დღემდე ე.წ „სოციალურ სახლებში“ არსებული საცხოვრებელი ბინები აჭარის მთავრობის მიერ საკუთრებაში სულ 276 ოჯახს გადაეცა“, - აცხადებენ აჭარის ჯანდაცვის სამინისტროში.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კიევის რეგიონში რუსული თავდასხმის შედეგად დედა და ორი მცირეწლოვანი ბავშვი დაიღუპა, ხოლო კიდევ ერთი დედა-შვილი დაიჭრა

დრონებმა მოსკოვსა და მიმდებარე რეგიონზე მასშტაბური თავდასხმა განახორციელეს, რამაც საწყობებსა და ნავთობგადამამუშავებელ ქარხნებში ხანძარი გამოიწვია

ტრამპმა მოულოდნელად დაასრულა კემპ დევიდში საარჩევნო კამპანია, ახლო აღმოსავლეთში დაძაბულობის ესკალაციის ფონზე.

აშშ კარიბის ზღვაში ნარკოტიკებით ვაჭრობაში ეჭვმიტანილ გემს თავს დაესხნენ, ოთხი ადამიანი დაიღუპა