აჭარის ტურიზმის დეპარტამენტმა რეგიონის ტურისტულ პროდუქტებს რეკლამირება თელავივის 22-ე საერთაშორისო ტურისტულ გამოფენაზე „IMTM 2017“ გაუწია.

როგორც "ექსპრესნიუსს" აჭარის ა.რ. ტურიზმისა და კურორტების დეპარტამენტიდან აცნობეს, აღმოსავლეთ ხმელთაშუაზღვისპირეთში ერთ-ერთ ყველაზე მნიშვნელოვან ტურისტულ გამოფენაზე ვიზიტორები აჭარაში მოგზაურობითა და რეგიონის ტურისტული შესაძლებლობებით დაინტერესდნენ. მათი უმრავლესობა საქართველოს სტენდთან ყურადღებას ეკოტურისტულ, გასტრონომიულ და სამთო ტურისტულ მარშრუტებზე ამახვილებდა. 

აჭარის მიმართ დიდია ინტერესი ავიაკომპანიების  მხრიდანაც. აჭარის ტურიზმის დეპარტამენტის წარმომადგენელი გამოფენის ფარგლებში შეხვდა კიდეც რამდენიმე მსხვილი ავიაკომპანიის წარმომადგენელს, რომლებიც დაინტერესებულები არიან ისრაელიდან აჭარის მიმართულებით პირდაპირი და ჩარტერული ფრენების დაწყებით. თელავივის 22-ე საერთაშორისო ტურისტულ გამოფენაზე დეპარტამენტი საქართველოს ტურიზმის ეროვნულ ადმინისტრაციასთან და ტურისტულ სააგენტოებთან ერთად მონაწილეობდა. 

ცნობისთვის, აჭარის ტურიზმის დეპარტამენტი ისრაელში პიარ და მარკეტინგულ კამპანიებს 2012 წლიდან ანხორციელებს. მიმდინარე წელს, ისრაელი ისევ რჩება რეგიონისთვის მიმზიდველ ტურისტულ ბაზრად. 2016 წელს, აჭარაში, ისევე როგორც მთელ საქართველოში განსაკუთრებით გაიზარდა ებრაელი ტურისტებისა და ვიზიტორების რაოდენობა.  გასულ წელს, რეგიონს ისრაელიდან 41 355 ტურისტი ესტუმრა, რაც 252%-ით აღემატება 2015 წლის მონაცემებს. გასული წელი, გამორჩეული იყო ისრაელიდან აჭარის მიმართულებით ფრენების ზრდის მხრივაც. 2016 წელს, თელავი-ბათუმის მიმართულებით ჩარტერულ და რეგულარულ რეისებს 3 ავიაკომპანია ასრულებდა. აჭარის ტურიზმის დეპარტამენტი მიმდინარე წელს რეგიონის რეკლამირებას ისრაელში გაზაფხულიდან დაიწყებს. 

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კიევის რეგიონში რუსული თავდასხმის შედეგად დედა და ორი მცირეწლოვანი ბავშვი დაიღუპა, ხოლო კიდევ ერთი დედა-შვილი დაიჭრა

დრონებმა მოსკოვსა და მიმდებარე რეგიონზე მასშტაბური თავდასხმა განახორციელეს, რამაც საწყობებსა და ნავთობგადამამუშავებელ ქარხნებში ხანძარი გამოიწვია

ტრამპმა მოულოდნელად დაასრულა კემპ დევიდში საარჩევნო კამპანია, ახლო აღმოსავლეთში დაძაბულობის ესკალაციის ფონზე.

აშშ კარიბის ზღვაში ნარკოტიკებით ვაჭრობაში ეჭვმიტანილ გემს თავს დაესხნენ, ოთხი ადამიანი დაიღუპა