ეკომიგრანტი ოჯახების საცხოვრებლით უზრუნველყოფის პროგრამაში ჩართვის მიზნით სტიქიური მოვლენების შედეგად დაზარალებული და გადაადგილებას დაქვემდებარებული 47 ოჯახის მონაცემები ხელვაჩაურის, ქედის, შუახევისა და ხულოს მუნიციპალიტეტების გამგეობებს გადაეგზავნება.

აჭარის ჯანდაცვის სამინისტროს ინფორმაციით, აღნიშნული გადაწყვეტილება ეკომიგრანტი ოჯახების საცხოვრებლით უზრუნველყოფის პროგრამის ბენეფიციართა შესარჩევი შერეული სამთავრობო კომისიის წევრებმა გუშინ გამართულ სხდომაზე მიიღეს. აღნიშნული ოჯახები ეკომიგრანტი ოჯახების ერთიან ელექტრონულ ბაზაში არიან რეგისტრირებულნი. კომისიის გადაწყვეტილებით, მუნიციპალიტეტებს, მათი პროგრამაში ჩართვის მიზნით ეთხოვებათ შუამდგომლობის აღძვრა ან არგუმენტირებული უარის წარმოდგენა.

2017 წლის პროგრამის ფარგლებში 12-მა ეკომიგრანტმა ოჯახმა საცხოვრებელი ფართი უკვე შეიძინა. პროგრამის ბიჯეტი 3 000 000 ლარს შეადგენს. პროგრამით გათვალისწინებულია 115-მდე სახლის ან ბინის შეძენა. პროგრამა თანადაფინანსებით ხორციელდება და თითოეულ ოჯახზე გათვალისწინებულია 25 000 ლარი.

ცნობისთვის, „ეკომიგრანტი ოჯახების საცხოვრებლით უზრუნველყოფის“ პროგრამა 2016 წელს ამოქმედდა, რომლის ფარგლებში გასულ წელს უსაფრთხო საცხოვრისი შეეძინა 96 ეკომიგრანტ ოჯახს. ასევე, 2016 წელს აჭარის მთავრობის სარეზერვო ფონდიდან ფინანსური დახმარება გაეწია სტიქიის შედეგად დაზრალებულ 61 ოჯახს, 698 050 ლარის ოდენობით. 9 ოჯახი კი დაკმაყოფილდა საცხოვრებელი ფართით.

პროგრამა დეტალურად იხილეთ: http://adjara.gov.ge/uploads/Docs/27dbad43c74f44508563a848beae.pdf

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველოს ბანკისა და სულაკაურის შეთავაზება მოსწავლეებისა და სტუდენტებისთვის

ალიანსი: 4 ოქტომბრის საქმეზე დაკავებულები არიან პოლიტიკური პატიმრები

ლელო: სპეცრაზმელების დაკავება არის ოცნების მორიგი ფარსი და თავის გადარჩენის მცდელობა

ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო