საქართველოს მთავრობამ ოჯახში ძალადობის წინააღმდეგ მომზადებული საკანონმდებლო ცვლილებების პაკეტი დაამტკიცა.

სხვებთან ერთად, სისხლის სამართლის კოდექსს ემატება ახალი 133 მუხლიც, რომელიც ითვალისწინებს  ე.წ.  ქალთა წინდაცვეთის კრიმინალიზაციას.

პროექტი მთავრობის სხდომას იუსტიციის მინისტრმა თეა წულუკიანმა წარუდგინა.

„ ამ სახის ქმედებათა  სისხლის სამართლის წესით  დასჯადად გამოცხადება  განსაკუთრებით მნიშვნელოვანია იმ ფონზე, როდესაც უკანასკნელ პერიოდში საქართველოს ტერიტორიაზე გამოვლინდა არაერთი მსგავსი შემთხვევა“,-აცხადებენ იუსტიციის სამინისტროში.

 ქალთა წინდაცვეთა  ან ქალის  იძულება-დაყოლება ამ რიტუალის  ჩასატარებლად  რელიგიური, ეროვნული, ეთნიკური,  ან სხვა ტრადიციების  გავლენით, ან მის გარეშე  სისხლის სამართლის  წესით დაისჯება. იმავე დანაშაულის ჩადენა ორსული, შეზღუდული შესაძლებლობების მქონე,  ან არასრულწლოვანის მიმართ დამამძიმებელ გარემოებად მიიჩნევა.

მთავრობის სხდომაზე დამტკიცებული  საკანონმდებლო ცვლილებათა პაკეტი საბოლოოდ დასამტკიცებლად პარლამენტს გადაეგზავნება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლევან მაჭავარიანი და არჩილ გორდულაძე ბოდიშს იხდიან პარლამენტში ჩხუბისთვის

ინტერნეტ მემი პროტესტად გადაიქცა: „ტარაკნების პარტიამ“ ნიუ დელიში უვადო საპროტესტო აქცია დაიწყო

კობახიძემ უკრაინელ ბავშვებს უმასპინძლა რომლებმაც მამები ომში დაკარგეს

Axios: ტრამპი აღიარებს, რომ „ანკორიჯის სულისკვეთებას“ ტოვებს