2017-01-23 18:41:00, 2853 ნახვა
ეკონომიკა
20 თეთრის ნომინალის მიმოქცევის დანიშნულების მონეტა იაპონურ იენთან ერთად სეტის სახით გაიყიდება
იაპონიის ზარაფხანამ საკოლექციო დანიშნულების სეტი გამოუშვა, რომელშიც იაპონურ მონეტებთან ერთად, ქართული 20 თეთრის ნომინალის მიმოქცევის დანიშნულების მონეტაცაა.
ინფორმაციას საქართველოს ეროვნული ბანკი ავრცელებს.
სებ-ის ცნობით, აღნიშნულთან დაკავშირებით საქართველოს ეროვნულ ბანკსა და იაპონიის ზარაფხანას შორის შეთანხმება 2015 წელს გაფორმდა.
„სეტის პრეზენტაცია, იაპონიაში, საქართველოს საელჩოში გაიმართა. სულ დამზადდა 30 000 ცალი სეტი. სეტის სარეალიზაციო ღირებულება 2 100 იაპონური იენია და ის იაპონიაში გაიყიდება“, - აცხადებენ ეროვნულ ბანკში.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
