ამერიკელი უფლებადამცველები დონალდ ტრამპს ქრთამის აღებაში ადანაშაულებენ და სასამართლოში უჩივიან

2017-01-23 15:35:37, 2802 ნახვა

მსოფლიო

ამერიკელ უფლებადამცველთა ლიბერალური ჯგუფები Citizens for Responsibility და Ethics in Washington (CREW) ამერიკის ახალ პრეზიდენტ დონალდ ტრამპს კორუფციაში ადანაშაულებენ და მის წინააღმდეგ ფედერალურ სასამართლოში სარჩელის შეტანას გეგმავენ, - ამის შესახებ Chicago Tribune იუწყება.

როგორც უფლებადამცველები აცხადებენ, დონალდ ტრამპი ამერიკის კონსტიტუციას არღვევს და უცხო ქვეყნის მთავრობებისგან თანხას ღებულობს.

მათივე თქმით, ტრამპი ქრთამსაც ღებულობს, რამაც შესაძლოა პრეზიდენტს კონკრეტული გადაწყვეტილების მიღება აიძულოს. უფლებადამცველების შეფასებით, ეს ქვეყნის ინტერესებს ეწინააღდეგება.

CREW იმედოვნებს, რომ პრეზიდენტის სასტუმროები და გოლფის ქსელი უცხო ქვეყნის მთავრობებისგან არ დაფინანსდება.

ცნობისთვის, ტრამპის მრჩეველმა საგადასახადო საკითხებში შერი დილონმა განაცხადა, რომ ტრამპი ინაუგურაციამდე ყველა მის აქტივს ოჯახს და სხვა უფლებამოსილ პირებს გადააბარებდა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან