გუშინ ბათუმში და  ზღვისპირა ზოლში განვითარებულმა უამინდობამ, ძლიერმა ქარმა  და შტორმმა  გამოიწვია სანაპირო ზოლის დანაგვიანება.

 ძლიერი ღელვის შედეგად ბულვარის ტერიტორიასა და სასეირნო ბილიკზე ამოყრილია ქვიშა და ნატანი. 

მთავრობის თავმჯდომარე ზურაბ პატარაძე  ვითარებას ადგილზე გაეცნო. 

ბულვარის დირექტორმა მთავრობის თავმჯდომარეს ამ დროისათვის არსებული მდგომარეობა გააცნო.

როგორც პატარაძემ აღნიშნა, ხუთ ბალიანმა შტორმა ბათუმის სანაპირო ზოლის დანაგვიანება გამოიწვია.

,,დღეს დილიდან ბათუმის აკვატორიაში დაიწყო სრულმასშტაბიანი სამუშაოები.გუშინ ღამით განვითარებულმა 5 ბალიანმა შტორმმა გამოიწვია ბათუმის სანაპირო ზოლის დანაგვიანება. ახალი ბულვარის სანაპირო ზოლში და ანბანის კოშკის მიმდებარე ტერიტორიაზე ამოყრილია ქვიშა და ნატანი. მობილიზებულია სპეციალური სამსახურები, რომლებიც საგანგებო  რეჟიმში მუშაობენ. ძალიან მალე ბათუმის ბულვარი მიიღებს ჩვეულ იერსახეს.დასუფთავდება და მოწესრიგდება ტერიტორია. შტორმის შედეგად მიყენებული ზარალი ჯერ დათვლილი არ არის. ასევე მინდა აღვნიშნო, რომ წელს უკვე იწყება ნაპირსამაგრი სამუშაოები. სწორედ ასეთი გაუთვალისწინებელი შემთხვევებისთვის არის ბიუჯეტში გათვალისწინებული ხარჯები, რომელთა გამოყენება მიმდინარე წელს უკვე დაიწყო და 2017 წელსაც გაგრძელდება',- განაცხადა ზურაბ პატარაძემ.

გაწმენდითი სამუშაოები დილის 6 საათიდან დაიწყო.

კერძოდ, სუფთავდება შტორმული პროცესების შედეგად დანაგვიანებული სანაპირო ზოლი. საგანგებო რეჟიმში მუშაობენ ბათუმის ბულვარის შესაბამისი სამსახურები, სამაშველო სამსახურები და შპს „სანდასუფთავება". მობილიზებულია ასევე სპეციალური ტექნიკა.

ამ დროისათვის ბათუმის ბულვარში სტაბილური მდგომარეობაა.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

23-25 ივნისს საქართველოში მოსალოდნელია დროგამოშვებით ნალექიანი ამინდი

Nestle-მ ბრიტანეთის მიერ სანქცირებულ ტელეკომპანია „იმედში“ რეკლამის განთავსების გამო შიდა გამოძიება დაიწყო

ხალხის ფულით ივანიშვილის რეჟიმი 2026 წელს გამოშვებულ 592 ახალ ავტომობილს ₾47 მილიონად ყიდულობს

5 თვეში, ივანიშვილის რეჟიმმა საგზაო ჯარიმებით რეკორდული ₾130 მილიონი აკრიფა