„სამოქალაქო ჩართულობის ცენტრის“ პროექტით „გახდი სასამარლოს მეგობარი“ გათვალისწინებული თეორიული კურსის ეტაპი დასრულდა.  

პროექტის ფარგლებში, 24 ნოემბერს, „სამოქალაქო ჩართულობის ცენტრის“ სადისკუსიო კლუბში  შეხვედრა გაიმართა. ღონისძიებაში მონაწილება მიიღო მართლმსაჯულების გაძლიერებისა და სამართლებრივი განათლების ცენტრის ხელმძღვანელმა კონსტანტინე კუბლაშვილმა, რომელმაც პროექტის მონაწილეებსა და დაინტერესებულ პირებს, სასამართლოს მეგობრის ინსტიტუტის შესახებს თავისი მოსაზრებები გააცნო. 

შეხვედრის ფარგლებში განხილულ იქნა სასამართლოს მეგობრის ინსტიტუტის დადებითი და უარყოფითი მხარეები, როგოც საკანონმდებლო, ასევე პრაქტიკული თვალსაზრისით.

„სამოქალაქო ჩართულობის ცენტრის“ წარმომადგენლების განცხადებით, სასამართლოს მეგობრის ინსტიტუტის პოპულარიზაციისა და ეფექტური პრაქტიკის განხორციელებისათვის საჭიროა გარკვეული საკანონმდებლო ცვლილებების განხორციელება, რაზეც ორგანიზაცია მუშაობს და კანონპროექტის დასრულების შემდგომ, ინიციატივას პარლამენტს წარუდგენს.

პროექტის თეორიული კურსის დასრულების შემდგომ, პრაქტიკული დავალების ფარგლებში, გამარჯვებულების გამოსავლენად ორ ტურიანი კონკურსი მიმდინარეობს. სხვადასხვა ორგანიზაციებითა დაკომპლექტებული ჟიური დეკემბრის თვეში, პროექტის ორ გამარჯვებულს გამოავლენს, რომლებიც ექვსი თვის განმავლობაში (2017 წლის იანვარი - ივნისი), თბილისის საქალაქო სასამართლოში, სისხლის სამართლის კოლეგიაში მიმდინარე საქმეებზე, ზაზა მეიშვილის ჩართულობით 5-5 სასამართლოს მეგობრის მოსაზრებას მოამზადებენ.  პროექტის გამარჯვებული მონაწილეები მომზადებული სასამართლოს მოსაზრებებში, ჰონორარის სახით 500-500 აშშ დოლარს მიიღებენ. 

პროექტი დაფინანსებულია ფონდ ღია საზოგადოება საქართველოს მიერ.

პროექტის პარტნიორები: მართლმსაჯულების გაძლირებისა და სასამართლებრივი განათლების ცენტრი, საქართველოს სახალხო დამცველის აპარატი, თბილისის საქალაქო სასამართლო, საქართველოს ადვოკატთა ასოციაცია.

პროექტის მედია მხარდამჭერები: საინფორმაციო სააგენტო „პირველი“, საინფორმაციო სააგენტო „ლიბერალი“ და ანალიტიკური/საინფორმაციო სააგენტო „მედია კლუბი“.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ALGORITHM WATCH:შსს-მ სახის ამომცნობი კამერები მოსკოვში დაფუძნებული კომპანიისგან შეისყიდა

პატარიძე ხოშტარიაზე: ექიმის დასკვნის გარეშე ბრიფინგებით საუბარი "აბსურდის თეატრია"

მზადება ახალი თავგადასავლისთვის - თიბისის მობაილბანკში მასშტაბური მარათონი ბრუნდება

უკრაინის უსაფრთხოების სამსახურმა ერთ თვეში მეორე დარტყმა განახორციელა ნავთობის სატუმბი სადგურზე, რომელიც მოსკოვს საწვავს ამარაგებდა