აჭარის მთავრობის თავმჯდომარე ზურაბ პატარაძე სოფელ ქვედა ჩხუტუნეთში გამართულ სახალხო ტრადიციულ დღესასწაულს „მაჭახლობას" დაესწრო. ღონისძიებას ესწრებოდნენ ასევე აჭარის მთავრობისა და უმაღლესი საბჭოს წევრები.

სახალხო ზეიმი „მაჭახლობა" 2007 წლიდან მაჭახელას ხეობის სხვადასხვა სოფელში იმართება, წელს კი ქვედა ჩხუტუნეთში გაიმართა. დღესასწაულზე ადგილობრივმა შემოქმედებითმა ჯგუფებმა, ძველი და ახალი თაობის სახალხო მთქმელებმა თავიანთი შემოქმედება წარმოადგინეს.

მიმდინარე წელს საპატიო მაჭახლელის წოდება ადგილობრივ მკვიდრს ნოდარ მორთულაძეს მიენიჭა. ღონისძიებაზე მიწვეულ საპატიო სტუმრებს კი სიმბოლური საჩურარი - აჭარული ქამრები გადაეცათ. დასასრულს ახლადდაქორწინებულებს გაბედნიერება მიულოცეს.

ღონისძიებაზე ღია ცის ქვეშ წარმოდგენილი იყო ხელნაკეთი ნივთები. დღესასწაულის ფარგლებში გაიმართა ადგილობრივი რეწვის დემონსტრირება და კულინარიული ნაწარმის დამზადება და დაგემოვნება: არყის გამოხდა, გოდრის დაწნა, ფელამუშის მოდუღება. ასევე მოეწყო სოფლის მეურნეობის პროდუქციის გამოფენა - გაყიდვა.

მაჭახლობაზე სპორტული შეჯიბრიც მოეწყო, ადგილობრივებს და სტუმრებს საშუალება მიეცათ ერთმანეთს გაჯიბრებოდნენ ჭადრაკში, ნარდსა და სიმძიმეების აწევაში, გამარჯვებულებს გადაეცათ სიმბოლური ფასიანი საჩუქრები.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„რეალური მოლაპარაკებები აღარ მიმდინარეობს“ - უკრაინა ემზადება ომის გასაგრძელებლად აშშ-ის დახმარების გარეშე

პატრიარქმა კირილმა შიო III-ს მშვიდობიანი და კურთხეული პატრიარქობა უსურვა

კიევისა და სრულიად უკრაინის მიტროპოლიტი ეპიფანე - ღმერთმა დალოცოს ახალი ეტაპი საქართველოს მართლმადიდებელი ეკლესიის ცხოვრებაში

ევროკავშირი პატრიარქ კირილისა და რუსეთის მართლმადიდებლური ეკლესიის წინააღმდეგ სანქციებს ამზადებს