აკაკი საღირაშვილი: გაუგებარია პირების განცხადება, რომლებიც „საქართველოს რკინიგზის“ კონფლიქტის მხარედ წარმოჩენას ცდილობენ

2016-11-04 15:53:53, 1606 ნახვა

კომენტარი

სოფელ ზვარეში მომხდარ ინციდენტს „საქართველოს რკინიგზა“ ეხმაურება.

როგორც „რკინიგზაში“ განმარტავენ, „საქართველოს რკინიგზას“ ჩინეთის რკინიგზის „23-ე ბიუროსთან“ საკონტრაქრო ურთიერთობა აკავშირებს, რომელიც 2011 წელს ჩატარებული საერთაშორისო ტენდერის საშუალებით გაფორმდა.

მათივე ცნობით, დოკუმენტი ეხება ხაშური-მოლითის ახალი სარკინიგზო მონაკვეთის მშენებლობას, აღნიშნულ ობიექტზე ტექნიკურ ზედამხედველობას, ასევე საერთაშორისო ტენდერით გამარჯვებული კომპანია ILF-ისა და Deutsche Bahn-ის კონსორციუმი ახორციელებს.

„ამ კონტექსტში ჩვენთვის გაუგებარია იმ პირების განცხადება რომლებიც ცდილობენ, საქართველოს რკინიგზა“ წარმოაჩინონ როგორც კონფლიქტის მხარე, ვინაიდან რკინიგზა არ წარმოადგენს სამართალურთიერთობის მხარეს, სუბიექტს ქვეკონტრაქტორის შიდა შრომით სამართლებრივ ურთიერთობებში, ისევე, როგორც სხვა ათასობით რკინიგზის კონტრაქტორი კომპანიის შემთხვევაში, იგი მოკლებულია უფლებას, ჩაერიოს მესამე პირებს შორის არსებულ შიდა შრომით ურთიერთობებში. ჩვენ ვცდილობთ, დარეგულირდეს საკითხი და ნორმალურ პირობებში წარმიმართოს სამშენებლო სამუშაოები. მოვუწოდებთ მხარეებ ს, მიიღონ შესაბამისი ზომები სიტუაციის განმუხტვისათვის“, - განაცხადა "საქართველოს რკინიგზის" ოპერაციათა მართვის დეპარტამენტის უფროსმა აკაკი საღირაშვილმა.

რაც შეეხება კონკრეტულ ინფორმაციას ინციდენტის გამომწვევი მიზეზების შესახებ, „საქართველოს რკინიგზაში“ ამბობენ, რომ ურთიერთგამომრიცხავი ცნობები აქვთ.

„საკითხის გარკვევაში ჩართული არიან სამართალდამცველი ორგანოები და მიმდინარეობს გამოძიება. დარწმუნებული ვარ, შესაბამისი უწყებები გაარკვევენ ყველა მიზეზს“, - აღნიშნა აკაკი საღირაშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან