"ქართული ოცნების" აღმასრულებელი მდივნის განცხადებით, „ნაციონალური მოძრაობის“ საარჩევნო ხარჯებთან დაკავშირებით კითხვები არსებობს.

როგორც ირაკლი კობახიძემ განაცხადა, არსებობს კითხვები, თუ რამდენად შეესაბამება დეკლარირებული შემოსავლები და ხარჯები, რეალურ შემოსავლებსა და ხარჯებს.

„ჩვენ გვაქვს სრულად დეკლარირებული შემოსავლები და ჩვენი ხარჯები. რაც შეეხება სხვა პარტიებს, მათ მიერ დეკლარირებული შემოსავლები და ხარჯები სერიოზულ კითხვის ნიშნებს ბადებს. ჩვენ გვაქვს გარკვეული კონკრეტული ეჭვები, რამდენად შეესაბამება მათ მიერ დეკლარირებული შემოსავლები და ხარჯები რეალურ შემოსავლებსა და ხარჯებს. მაგალითად, „ნაციონალურ მოძრაობასთან“ დაკავშირებით გვაქვს ასეთი კითხვები“, - აღნიშნა კობახიძემ.

ამასთან, პარტიის მდივნის თქმით, „ქართული ოცნების“ ხარჯებმა გაამართლა.

„ჩვენ გვქონდა წინასწარ შემუშავებული გეგმა და ამ გეგმის შესაბამისად დავდეთ ზუსტად ის შედეგი, რომელიც იყო ჩვენს მიერ პროგნოზირებული“, - განაცხადა კობახიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე იობი -დღეს ვხედავთ, რომ ურწმუნოა ჩვენი ხელისუფლება, არაეკლესიური არის

რესპუბლიკელებმა სენატსა და წარმომადგენელთა პალატაში ლიდერები გამოავლინეს

აშშ-ის წარმომადგენელთა პალატამ პენტაგონის ხელმძღვანელის იმპიჩმენტის მცდელობა დაბლოკა

უკრაინულმა დრონებმა შემოდგომის დასაწყისიდან მეორედ შეუტიეს რუსეთის უდიდეს ბალტიის ზღვის პორტს