„ერთიანი ნაციონალური მოძრაობის“ ვაკის მაჟორიტარი დეპუტატობის კანდიდატ ელენე ხოშტარიას განცხადებით, ნატო-ს მინისტერიალზე საქართველოს თავდაცვის მინისტრის არდასწრება საგანგაშო სიგნალია.

როგორც ხოშტარიამ აღნიშნა, ნატო-ში მიღებული გადაწყვეტილება, რომელიც შავი ზღვის რეგიონის ქვეყნებში უსაფრთხოებაზე ზრუნვას ეხება, უმნიშვნელოვანესია.

„გუშინ, ნატო-ში ჩვენი რეგიონისთვის უმნიშვენლოვანესი მინისტერიალი გაიმართა, რომელსაც  თავდაცვის მინისტრები ესწრებოდნენ.  ნატო-მ გადაწყვიტა, რომ  აქტიურად იზრუნოს შავი ზღვის რეგიონის უსაფრთხოებაზე სახმელეთო, საზღვაო და საჰაერო გზით. ეს ნიშნავს, რომ ნატო შავი ზღვის რეგიონების სხვა ქვეყნებთან ერთად, საქართველოს უსაფრთხოების უზრუნველყოფაში ჩაერთო. აღნიშნული ოპერაციის დაწყების მიზეზებად კი, რუსეთის მხრიდან მეზობელი ქვეყნების ტერიტორიებზე შეჭრა და აგრესიული ქმედებები დასახელდა.  ყველაფერ ამის ფონზე, აღნიშნულ შეხვედრას საქართველოს თავდაცვის მინისტრი არ ესწრებოდა, რაც ძალიან საგანგაშო სიგნალია. ესაა ჩვენი ქვეყნის ხელისფულების მხრიდან საგარეო პოლიტიკური სიგნალი. მოვუწოდებთ ხელისუფლებას და თავდაცვის სამინისტროს, არ დაუშვან საქართველოს ინტერესების შელახვა და აქტიურად ჩაერთონ პროექტის განხორციელბაში, რომელიც ჩვენს უსაფრთხოებასთან და ეროვნულ ინტერესთანაა დაკავშირებული“, - განაცხადა ელენე ხოშტარიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პეკინისა და ვაჟა-ფშაველას გამზირების კვეთიდან ჟვანიას მოედნის მიმართულებით მოძრაობა დროებით შეიზღუდება

რამზან კადიროვის შვილს ჩეჩნეთის რესპუბლიკის გმირის წოდება მიენიჭა

ე.წ ფასეულობების დაცვის მიზნით ოცნების პარლამენტი კანონპროექტის მიღებას აპირებს

ავალიანის საქმეზე იმნაძეს და ბერუაშვილს აღკვეთის სახით პატიმრობა შეუფარდეს