2016-10-13 10:31:20, 1508 ნახვა
სამართალი
საკონსტიტუციო სასამართლოს პლენუმი დღეს ახალ თავმჯდომარესთან დაკავშირებით იმსჯელებს
საკონსტიტუციო სასამართლოს პლენუმის განახლებული შემადგენლობა დღეს ახალ თავმჯდომარესთან დაკავშირებით იმსჯელებს. ამასთან სხდომის დღის წესრიგში კანდიდატების წარდგენა გათვალისწინებული არ არის.
არაოფიციალური ვერსიით, სასამართლოს თავმჯდომარეობის კანდიდატებად ზაზა თავაძე, მერაბ ტურავა და გიორგი კვერენჩხილაძე სახელდებიან.
შეგახსენებთ, რომ კანდიდატების წარდგენასთან დაკავშირებული კანონით გათვალისწინებული ორკვირიანი ვადა 15 ოქტომბერს იწურება. პლენუმი საკონსტიტუციო სასამართლოს თავმჯდომარეს 20 ოქტომბერს აირჩევს.
ცნობისთვის, პირველი სხდომა პლენუმს 6 ოქტომბერს უნდა გაემართა, თუმცა ის კვორუმის უქონლობის გამო ვერ შედგა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
