2016-10-08 18:49:43, 666 ნახვა
პოლიტიკა
მარნეულის 48-ე საარჩევნო უბანზე სპეცრაზმისა და პოლიციის დამატებითი ჯგუფები მივიდნენ
მარნეულის 48-ე საარჩევნო უბანზე სპეცრაზმისა და პოლიციის დამატებითი ჯგუფები მივიდნენ.
სამართალდამცველები დაპირისპირებულ მხარეებს შორის ვითარების განმუხტვას ამ დრომდე ცდილობენ.
არსებული ინფორმაციით, უცნობი პირები 48-ე უბნზე არჩევნების გაყალბებას ცდილობდნენ, რასაც სიტყვიერი და ფიზიკური დაპირისპირება მოჰყვა.
ჩამსხვრეულია შენობის მინები, რომელშიც აღნიშნული საარჩევნო უბანია განთავსებული. „ნაციონალური მოძრაობა“ მომხდარში „ქართულ ოცნებას“, „ქართული ოცნება“ კი, „ნაციონალურ მოძრაობას“ ადანაშაულებს.
ადგილზე ამ დროისთვის 100-მდე სპეცრაზმელია მობილიზებული.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
