„ადვილად შეიძლება ვიწინასწარმეტყველოთ, რომ სულ მალე ჩინელი ხალხი კიდევ უფრო მოსახერხებელი გზებით დააგემოვნებს ცნობილ ქართულ ღვინოს, ცნობილ მინერალურ წყლებს, ბოსტნეულსა და ხილს“, - ამის შესახებ ჩინეთის სახალხო რესპუბლიკის მინისტრმა გაო ხუჩენმა მთავრობის კანცელარიაში გამართულ ბრიფინგზე განაცხადა.

გაო ხუჩენის შეფასებით, შეთანხმების შინაარსი არის ძალიან ყოვლისმომცველი, მაღალი დონის და ორივე მხარისთვის თანაბრად სასარგებლო.

„ჩვენ გვჯერა, რომ ჩინური მხარე დააჩქარებს ქვეყნის შიდა პროცედურების წარმოებას და სულ მალე ჩვენი ურთიერთობები გადავა ახალ სიმაღლეზე“, - განაცხადა ჩინეთის სახალხო რესპუბლიკის კომერციის მინისტრმა გაო ხუჩენმა.

გაო ხუჩენი   საქართველოში ოფიციალური ვიზიტით იმყოფება, რომლის დროსაც ხელი მოაწერა მემორანდუმს საქართველოსა და ჩინეთს შორის თავისუფალი ვაჭრობის შესახებ მოლაპარაკებების დასრულების შესახებ.

ორ ქვეყანას შორის მოლაპარაკებები თავისუფალი ვაჭრობის შესახებ 2015 წლის დეკემბერში დაიწყო.

 მას შემდეგ ოფიციალური მოლაპარაკებების სამი რაუნდი და სამი არაოფიციალური თათბირი ჩატარდა, რის შედეგადაც მხარეები შეთანხმების არსებით შინაარზე ჩამოყალიბდნენ. შეთანხმებაში საუბარია საქონლითა და მომსახურებით ვაჭრობაზე, ინტელექტუალურ საკუთრებასა და ნორმატივებზე. მათ შორის, შედარებით ახალ თემებს, როგორიცაა ელექტრონული ბიზნესი.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ComCom-ი კვლავ ჩაერია ტელევიზიის სარედაქციო დამოუკიდებლობაში და „ფორმულა" 10,000 ლარით დააჯარიმა

რატომ შეაშინა ქოცები ევროპის სახალხო პარტიის რეზოლუციამ

საქართველოს საზღვართან 4.1 მაგნიტუდის სიმძლავრის მიწისძვრა მოხდა

ბრიტანეთის მიერ სანქცირებულთა ახალ სიაში ოკუპირებული ცხინვალის დე ფაქტო ლიდერებიც მოხვდნენ