ამერიკის შეერთებული შტატების სახელმწიფო დეპარტამენტი საზღვარგარეთ გასამგზავრებელი მოქალაქეებისთვის განკუთვნილ რეკომენდაციებს ანახლებს. 

როგორც დოკუმენტშია ნათქვამი, მსოფლიოში ამერიკელების მიმართ ტერორისტული აქტების მოწყობის ალბათობა გაიზარდა. 

სახელმწიფო დეპარტამენტში აცხადებენ, რომ ამერიკელებზე თავდასხმები, შესაძლოა, ახლო აღმოსავლეთში, ჩრდილოეთ ამერიკაში, ევროპაში და აზიაში მოეწყოს. მათ შორის ტერაქტები, შესაძლოა, სირიაში და ერაყში „ისლამური სახელმწიფოს“ წინააღმდეგ აშშ-ს ხელმძღვანელობით მოქმედი კოალიციის დარტყმების შედეგად განხორციელდეს. 

შეგახსენებთ, რომ სახელმწიფო დეპარტამენტის რეკომენდაციები პარიზში მომხდარი მოვლენების შემდეგ განახლდა. 

ტერორისტების თავდასხმის შედეგად სატირულ ჟურნალ „შარლი ებდოს“ 10 თანამშრომელი და 2 პოლიციელი დაიღუპა. 

ამის შემდეგ საფრანგეთში ერთ-ერთ მაღაზიაში მძევლები აიყვანეს. შედეგად, 4 ადამიანი დაიღუპა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი: რუსეთი დათანხმდა დაპატიმრებული ამერიკელი საზღვაო ქვეითის გაცვლის გარეშე გათავისუფლებას

გერმანია განიხილავს რუსეთში დრონების მწარმოებლების წინააღმდეგ კიბერშეტევების განხორციელების ნებართვის მინიჭებას

ნასვამი და ნარკოტიკული თრობის ქვეშ მყოფი მძღოლების წინააღმდეგ ბრძოლა მკაცრდება - სტრატეგია

უკანა სავარძელზე ღვედი და სკოლამდელი ბავშვებისთვის სპეცსავარძლების გამოყენება სავალდებულო გახდება