პირველმა ვიცე-პრემიერმა, ეკონომიკისა და მდგრადი განვითარების მინისტრმა დიმიტრი ქუმსიშვილმა მოხსენება გააკეთა კონფერენციაზე, რომელიც ევროპის რეკონსტრუქციისა და განვითარების ბანკის (EBRD) ორგანიზებით ჩატარდა და მას მცირე და საშუალო ბიზნესის წარმომადგენლები დაესწრნენ. კონფერენცია საქართველოს ტექნოპარკის შენობაში გაიმართა.

როგორც "ექსპრენიუსს" ეკონომიკისა და მდგარი განვითრების სამინისტროდან აცნობეს, კონფერენციის მიზანი იყო მცირე და საშუალო ზომის მეწარმეებისთვის ევრობანკის და ევროპის კავშირის ახალი, ერთობლივი დაფინანსების მექანიზმის გაცნობა, რომელიც დაინერგა „საქართველოს ბანკის“ მიერ საკრედიტო ხაზების საშუალებით და რომლის მიზანია მცირე და საშუალო საწარმოების მხარდაჭერა ასოცირების შეთანხმებისა და ღრმა  და  ყოვლისმომცველი თავისუფალი სავაჭრო სივრცის კონტექსტში. 
თავის მოხსენებაში პირველმა ვიცე-პრემიერმა დიმიტრი ქუმსიშვილმა განაცხადა, რომ საქართველოსთვის განსაკუთრებით მნიშვნელოვანია DCFTA-ის ეფექტიანი იმპლემენტაცია, რათა ამ კუთხით მაქსიმალური სარგებელი მივიღოთ. მისი განცხადებით, იმ ქართულ კომპანიებს, რომელთაც აქვთ ექსპორტის განხორციელების, ან იმპორტის ჩანაცვლების პოტენციალი, შეუძლიათ აღნიშნული საფინანსო ინსტრუმენტის გამოყენება. „ეს ხელს შეუწყობს ჩვენი საექსპორტო შესაძლებლობების განვითარებას და ევროპასთან დაახლოებას“ - განაცხადა დიმიტრი ქუმსიშვილმა. 

კონფერენციაზე აღინიშნა, რომ ევრობანკმა „საქართველოს ბანკთან“ თანამშრომლობის ახალი ეტაპის დაწყების შედეგად, აღნიშნულ საფინანსო ორგანიზაციას გამოუყო 50 მილიონი დოლარის ეკვივალენტი ლარი. პროგრამის ფარგლებში ადგილობრივ დაინტერესებულ კომპანიებს მიეცემათ საშუალება ეროვნულ ვალუტაში აიღონ გრძელვადიანი (5 წლიანი) სესხი „საქართველოს ბანკისგან“ 2 წლიანი საშეღავათო პერიოდით. აგრეთვე აღსანიშნავია, რომ ადგილობრივი კომპანიების წახალისების მიზნით, გაცემულ სესხზე დამატებით ევროკავშირი უზრუნველყოფს კომპანიისთვის დაახლოებით 15%-მდე ფულის დაბრუნებას გრანტის სახით, რაც მნიშვნელოვანი წამახალისებელი ფაქტორია ადგილობრივი კომპანიებისთვის. გარდა ამისა, მსესხებელი კომპანია ყოველგვარი გასამრჯელოს გარეშე მიიღებს რეკომენდაციებს საერთაშორისო კონსულტანტის მხრიდან, კომპანიის განახლებასთან დაკავშირებულ საკითხებზე.

იგეგმება EBRD-ის თანამშრომლობა სხვა ადგილობრივ ბანკებთანაც, რათა კერძო სექტორმა განახორციელოს დამატებითი ინვესტიციები პროდუქტის ხარისხის გაუმჯობესებისა და  მომსახურების მოდერნიზაციის კუთხით ევროკავშირის სტანდარტების დასაკმაყოფილებლად.

აღინიშნა, რომ საქართველოში   მოქმედი   მცირე   და   საშუალო   ზომის   საწარმოებისთვის ეს საკმაოდ მიმზიდველი ფინანსური პაკეტია შემდეგი ფაქტორების გამო: მცირე და საშუალო ზომის ბიზნესისთვის კრედიტები ადგილობრივ ვალუტაში გახდება   ხელმისაწვდომი, რაც ძალიან მნიშვნელოვანია ადგილობრივი საწარმოებისთვის; კრედიტების ვადიანობა  ხუთ წლამდე  პერიოდზეა გათვლილი, საიდანაც ორი წელი შეღავათიანია; მასტიმულირებელი ფაქტორის სახით, მცირე და საშუალო   ზომის საწარმოები   შეძლებენ   15   პროცენტის   დაბრუნებას   ფულად გამოხატულებაში; ამ მცირე და საშუალო ზომის საწარმოებისთვის უფასო იქნება ტექნიკური მხარდაჭერა საერთაშორისო ექსპერტების საკონსულტაციო მომსახურების სახით; პაკეტი მოიცავს მხარდაჭერას ახალ ტექნოლოგიებსა და   აპარატურა-დანადგარებში კაპიტალდაბანდების განსახორციელებლად.

კონფერენციის მონაწილეების წინაშე ასევე მოხსენება გააკეთეს EBRD-ის რეგიონულმა დირექტორმა ბრუნო ბალვანერამ და ევროკავშირის ელჩმა საქართველოში იანოშ ჰერმანმა. 

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თიბისი უკვე საერთაშორისო ტრანზაქციების განაწილების შესაძლებლობასაც გაძლევთ

WP: აშშ არ გამორიცხავს ერაყში დარტყმებს ოპერაციის ოფიციალური დასრულების შემდეგაც კი

მეუფე ზენონი - ახლა რუსეთის ეკლესიისთვის მნიშვნელოვანია, რომ საქართველოს ეკლესიამ უკრაინის ახალი ეკლესია არ აღიაროს და ამ მხრივ აფხაზეთისა და ცხინვალის საკითხი ხელსაყრელ ბერკეტს წარმოადგენს

კალაძე - ბიძინა ივანიშვილის სახელთან, მის გადაწყვეტილებასთან და მის გარშემო გაერთიანებულ ადამიანებთან არის დაკავშირებული 2012 წლის 1 ოქტომბერი